Маҳтобшоҳзода Арамбегим, раиси шаҳри Хоруғ дар якҷоягӣ бо роҳбарон ва намояндагони як қатор идораву сохторҳои давлатӣ, Шуъбаи оид ба корҳои дин, танзими анъана ва ҷашну маросимҳо, Бахши кор бо ҷавонон ва варзиши шаҳр бо ҷавонону наврасони шаҳр мулоқот доир намуд.

Зимни мулоқот ҷавонон ақидаву пешниҳодҳои хешро баён намуданд. Маҳтобшоҳзода Арамбегим таклифҳои вижаи ҷавононро ба инобат гирифта, ҷиҳати рафъи камбудиҳо ба масъулини шаҳрдорӣ супоришҳои мушаххас дод.

Ба гуфтаи Имомёрбек Имомёрбеков, мудири Бахши кор бо ҷавонон ва варзиши шаҳри Хоруғ “Мулоқот ба ифтихори “Соли ҷавонон” бахшида шуда, дар он миёни роҳбарият ва ҷавонон суҳбати ошкорову озод доир гашт”.

Машҳур ИМОМНАЗАРОВ, “ҶТ”