ҶАВОНОН
Сешанбе 02 Март 2021 11:14
7823
Дар шаҳри Хоруғ ба муносибати Рӯзи таъсисёбии Қувваҳои Мусаллаҳи Ҷумҳурии Тоҷикистон бо ташаббуси роҳбарияти Донишгоҳи давлатии Хоруғ (ДДХ) ба номи Моёншо Назаршоев ва ҳамкории ташкилоти ҷамъиятии мададгори мудофиаи Ҷумҳурии Тоҷикистон дар ВМКБ озмуни ҳарбӣ – ватандӯстии “Канӣ писарон!” оғоз гардид.

Ба иттилои мудири шуъбаи кор бо ҷавонони донишгоҳ озмун бо мақсади тақвияти ҳисси ватанпарасатии ҷавонон, таҳкими рафоқат миёни муҳассилини минтақаҳои гуногуни кишвару берун аз он, ташаккули мақоми ҷавонписарон ҳамчун муҳофизони Ватан ва таблиғи тарзи ҳаёти солим аз 17 то 19 моҳи феврали соли 2021 дар байни донишҷӯёни факултетҳои донишгоҳ гузаронида мешавад.

Мусобиқаи аввали озмун, ки аз шартҳои давидан ба масофаи 100 метр, пойга (кросс) дар мавзеи ноҳамвор ба масофаи 3 км, партофтани норинҷак (норинҷаки таълимии Ф-1, 600 гр.), тирпарронӣ аз милтиқи пневматикӣ, турниккашӣ ва вазнбардорӣ (санги 24 кг.) иборат буд, ба охир расид.

Мусобиқаҳои дигари озмун давом дошта, ҳамаи ғолибони он дар рӯзи ниҳоӣ бо мукофотҳои раёсати донишгоҳ қадрдонӣ мешаванд.




Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Март 2021 c.