ҶАВОНОН
Душанбе 26 Октябр 2020 11:23
7337
Абдулло Раҳмонзода, раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо ҷавонони фаъоли Донишкадаи политехникии Донишгоҳи техникии Тоҷикистон ба номи академик М. Осимӣ дар шаҳри Хуҷанд мулоқот анҷом дод.

Мулоқотро директори донишкада Дилафрўз Саидӣ оғоз бахшида, зимни суханронии хеш таъкид дошт, ки ин дидорбинӣ дар рўзҳои сафари кории Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ки бо мақсади шиносоӣ бо вазъи зиндагии мардум ва ифтитоҳи як қатор иншооти таъиноти гуногуни иқтисодию иҷтимоӣ ва мусоидат ба беҳдошти шароити иҷтимоии аҳолӣ ба вилояти Суғд амалӣ мешавад, сурат гирифта, моро дар қатори дигар сокинони вилоят руҳбаланд месозад. Боиси ифтихор ва қаноатмандист, ки бо ҳидоят ва дастгириҳои Пешвои миллат дар даврони соҳибистиқлолии мамлакат дар самти дастгирии ҷавонон тадбирҳои ҳадафманд андешида шуда, ба ин қишри ҷомеа таваҷҷуҳи хоса зоҳир мегардад.

Таъкид шуд, ки Донишкадаи политехникӣ яке аз муассисаҳои таҳсилоти олии касбиест, ки ғояҳои муҳими Ҳукумати Ҷумҳурии Тоҷикистонро дар самти баландбардории сифати таҳсилот ба шоистагӣ татбиқ намуда истодааст. Имрӯзҳо аз ҷониби раёсати донишкада ҷавононе, ки дорои қобилияти баланд буда, ташаббускору донишманд ҳастанд, ҳамаҷониба дастгирӣ карда мешаванд.

Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода дар баромади худ таъкид дошт, ки Пешвои миллат муҳтарам Эмомалӣ Раҳмон нисбат ба қишри ояндасози Тоҷикистон-ҷавонон таваҷҷӯҳи хоса зоҳир менамоянд. Дар партави дастуру супоришҳо ва сиёсати хирадмандонаву ҷавонпарваронаи Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон минбаъд низ ҳамаи иқдому ташаббусҳои ҷавонон мунтазам ва ҳаматарафа дастгирӣ гардида, бо мақсади баланд бардоштани самаранокии сиёсати давлатии ҷавонон ва фаъолгардонии иштироки онҳо дар ҳаёти иҷтимоию иқтисодӣ тадбирҳои судманд роҳандозӣ хоҳад гардид.
Дар охир Абдулло Раҳмонзода зикр намуд, ки дар масоили давлатсозиву давлатдорӣ ва ҳифзи манфиатҳои миллӣ на бояд ба умеди касеву чизе шуд, зеро аз лиҳози маънавию сиёсӣ касе бештар аз худи миллати тоҷик манфиатдор нест, ки хонаи умеди мо – Тоҷикистонро обод кунад ва бузургтарин манфиати миллӣ-Истиқлолияти давлатиамонро ҳифз намояд.


Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
28 29 30 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31 1

Октябр 2020 c.