Дар муассисаи таҳсилоти миёнаи умумии №53-и ҷамоати деҳоти Ворух, 8 апрел, таҳти унвони “Нақши Пешвои миллат муҳтарам Эмомалӣ Раҳмон дар ҳифзи арзишҳои миллӣ ва таҳкими Истиқлолияти давлатӣ” конфронс доир гардид.

Дар конфронс сардори Раёсати ҷавонони Кумитаи кор бо ҷавонон ва варзиши назди Ҳукумати Ҷумҳурии Тоҷикистон Шаҳзод Раҳимзода, сардори Раёсати кор бо ҷавонон ва варзиши вилояти Суғд Мирзоқосим Каримов ва як гурӯҳ ҷавонон ширкат ва суханронӣ намуданд.
  
Зимни чорабинӣ гуфта шуд, ки Президенти кишвар ҳамеша баҳри таҳкими истиқлолият, ваҳдати миллӣ ва арзишҳои миллӣ кӯшиш намуда, тамоми аҳли ҷомеаро барои ҳифзу нигаҳдошти онҳо талқин менамоянд.
 
Дар интиҳои чорабинӣ ҷавонони фаъоли деҳаи Ворух изҳори сипосмандии хешро ба Пешвои муаззами миллат муҳтарам Эмомалӣ Раҳмон баён намуданд.