ҶАВОНОН
Шанбе 21 Апрел 2018 06:52
4138
Бо ташаббуси Кумитаи кор бо ҷавонон ва варзиши назди Ҳукумати ҷумҳурӣ ва Иттифоқи ҷавонони Тоҷикистон таҳти сарпарастии президенти Федератсияи футбол Рустами Эмомалӣ дар Донишгоҳи давлатии молия ва иқтисоди Тоҷикистон конфронси илмӣ - назариявӣ дар мавзӯи “Нақши Пешвои миллат дар таҳкими Истиқлолияти давлатӣ” баргузор гардид.

Дар конфронс раиси Кумитаи кор бо ҷавонон ва варзиш Аҳтам Абдуллозода, ректори Донишгоҳи давлатии молия ва иқтисоди Тоҷикистон Хайрзода Шукрулло, беш аз 100 нафар олимону муҳаққиқони ҷавон, донишҷӯён, гирандагони ститендияи президентӣ ва ихтиёриён иштирок намуданд.

- Истиқлолият волотарин ва пурарзиштарин дастоварди давлату миллати тоҷик аст. Ин неъмати бузург баробари ба даст овардан, нуру зиё, меҳру вафо, ободию озодӣ, ҳамфикрию ҳамзистӣ ва осоиштагиву абадиятро ба мардуми бузурги тоҷик ва Тоҷикистони азиз овардааст. Ба ҳамаи мо маълум аст, ки дар ба даст овардани Истиқлолияти давлатӣ Асосгузори сулҳу ваҳадти миллӣ – Пешвои миллат, муҳтарам Эмомалӣ Раҳмон нақши бориз доранд. Аз ин лиҳоз конфронси имрӯза низ дар мавзӯи “Нақши Пешвои миллат дар таҳкими Истиклолияти давлатӣ” дойр мегардад,- иброз дошт раиси Кумитаи кор бо ҷавонон ва варзиш зимни ифтитоҳи чорабинӣ.

Ҳамчунин, дар рафти конфронс олимону муҳаққиқони ҷавон вобаста ба мавзӯи мазкур маърӯзаҳо намуданд. Зикр гардид, ки Сарвари давлати тоҷикон Эмомалӣ Раҳмон дар муддати кутоҳе аз сиёсатмадори дохилиҷумҳурӣ ба арбоби барҷастаи сиёсии минтақавӣ ва ҷаҳонӣ расида, дар шахсияти худ исбот намуд, ки халқи тоҷик истеъдоду заковати бузурги давлатдорӣ, фарҳангофаринӣ ва сулҳсозӣ дорад. Агар таърихи халқи худ ва фарҳанги онро ба қадри кофӣ ҳар фарди кишвар медонист ва аз камбудиву нуқсон ва хатогиҳои гузаштааш сабақ мегирифт, шояд фоҷиаҳои даҳшатбори солҳои 90-ум дар кишвар рух намедоданд. Бо таҳкими пояҳои Истиқлолияти худ Тоҷикистон ба шарофати сиёсати Эмомалӣ Раҳмон дар арсаи байналмиллалӣ чун кишваре, ки ба равандҳои демократии ҷаҳони имрӯза пайвастааст, эътироф гардидааст. Ин аст, ки Президенти Ҷумҳурии Тоҷикистон ҳам дар саросари кишвар ва ҳам дар хориҷ аз он пешвои навандеши тоҷикон ва ҳомии нангу номуси миллат шинохта шудааст.

иштирокчиён.jpg
маърӯзачиён.jpg

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6

Апрел 2018 c.