Саннаи 22 май, бахшида ба Даҳсолаи байналмилалии амал “Об барои рушди устувор” барои солҳои 2018-2028 ва Рӯзи ҷавонони Тоҷикистон дар Донишгоҳи техникии Тоҷикистон ба номи академик М.С.Осимӣ конфронси онлайнӣ таҳти унвони “Ташаббусҳои Пешвои миллат-наҷотбахши сайёра” бо ҷавонони дар хориҷи кишвар таҳсилдошта баргузор гардид.

Аҳмадзода Дилноза, муовини раиси Кумитаи кор бо ҷавонон ва варзиши назди Ҳукумати Ҷумхурии Тоҷикистон, зимни ифтитоҳи конфронсия иштирокчиёнро ба муносибати таҷлили Рӯзи ҷавонони Тоҷикистон табрик намуд.

Дар конфронси фосилавӣ намояндагон аз Шуъбаи Раёсати ҳамкориҳои иқтисодии Вазорати корҳои хориҷии Ҷумхурии Тоҷикистон, Шуъбаи танзими масъалаҳои муҳоҷирати меҳнатии Вазорати меҳнат, муҳоҷират ва шуғли аҳолии Ҷумҳурии Точикистон, Шуъбаи рушди гендерӣ ва муносибатҳои байналмиллалии Кумитаи кор бо занон ва оилаи назди Ҳукумати Ҷумҳурии Тоҷикистон, Бахши таҳсилоти Кумитаи оид ба танзими анъана ва ҷашну маросимҳои миллии назди Ҳукумати Ҷумхурии Тоҷикистон ва донишҷӯён иштирок намуданд.