Бахши кор бо ҷавонон ва варзиши шаҳри Кӯлоб бахшида ба ҷашни Рӯзи модар 3 март, дар толори Коллеҷи омӯзгории шаҳри Кӯлоб, фестивали ҷумҳуриявӣ таҳти унвони “Суруди Модар-Алла”-ро байни донишҷӯдухтарони муассисаҳои оливу касбии шаҳр доир намуд.

Фестивал аз рӯи шартҳои зерин - иштироки ҳатмии довталабон бо либоси миллии тоҷикӣ, тарз ва усули хобондани тифл дар гаҳвора ва замзамаи суруди модар – алла бо овози зинда, баргузор гардид.

Дар ҷамъбаст зинаи якум насиби донишҷӯи Коллеҷи омӯзгории шаҳри Кӯлоб Нимонова Навбаҳор гардид. Ҷои дуюмро бошад, Орифа Мирзоева, донишҷӯи Коллеҷи миллитсияи Вазорати корҳои дохилӣ дар шаҳри Кӯлоб соҳиб шуд. Дар зинаҳои сеюм Саидзода Розия аз Донишгоҳи давлатии Кӯлоб ва Раъно Сулаймонова, донишҷӯи Коллеҷи тиббии шаҳри Кӯлоб қарор гирифтанд.

Ғолибон бо ифтихорнома ва тӯҳфаҳои хотиравӣ қадрдонӣ шуданд.