23 феврал нахустин дарси имсолаи курси омӯзишии “Ҷавонон пайрави Пешвои миллат” баргузор гардид. Дарси нахустин дар толори Кумитаи миллии олимпии Тоҷикистон баргузор гардида, дар он зиёда аз 50 нафар донишҷӯёни фаъоли муассисаҳои таҳсилоти олии кишвар ҷалб гардиданд.

Абдулло Раҳмонзода, раиси КҶВ курси мазкурро оғоз бахшида, изҳор дошт, ки Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ шахсияти барҷастаи таърихии миллат буда, дар бунёди низоми давлатдории Тоҷикистони соҳибистиқлол, барқарорсозии сохти конститутсионӣ, ба даст овардани сулҳу ваҳдати милли саҳми беназир гузоштаанд.

- Пешвои миллат дар эъмори давлати соҳибихтиёр, демократӣ, ҳуқуқбунёд, дунявӣ иҷтимоӣ нақши арзанда гузошта, миллатро аз парокандагӣ, давлатро аз нестшавӣ ва халқро аз ҷанги шаҳрвандӣ раҳо намуда, дар рушди иқтисодиву иҷтимоӣ давлати мустақили Тоҷикистон хизматзҳои бузург намудаанд, -илова кард, раиси Кумита.

Ҳамзамон, гуфта шуд, ки таҷрибаи сулҳи тоҷикон зери роҳбарии Пешвои муаззами миллат аз ҷониби Созмони Миллали Муттаҳид ҳамчун таҷрибаи нодири расидан ба сулҳу субот эътироф гардидааст.

Дар идома маърӯзачиён, ки аз ҳисоби роҳбарони аввали вазорату идораҳо даъват шуда буданд, маърӯзаҳои худро ироа карданд.

Ёдовар мешавем, ки чун ҳамасола аз ҷониби ташкилоти ҷамъиятии “Пайравони Пешвои миллат” ва бо дастгирии Кумитаи кор бо ҷавонон ва варзиши назди Ҳукумати Ҷумҳурии Тоҷикистон курси омодасозии “Ҷавонон пайрави Пешвои миллат” баргузор гардида, баъди хатми курси мазкур иштирокчиён бо шаҳодатномаи хатм сарфароз гардонида мешаванд.