ҶАВОНОН
Чоршанбе 26 Июн 2019 12:41
6051
Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон таҳти сарпарастии президенети Федератсияи футболи Тоҷикистон Рустами Эмомалӣ лагери ҷумҳуриявии омӯзишӣ таҳти унвони “Ҷавонон - пайрави Пешвои миллат” аз 25 то 29 майи соли ҷорӣ дар истироҳатгоҳи солимгардонии кӯдакон наврасон ва ҷавонон, истироҳатгоҳи “20 солагии Истиқлолияти давлатии Ҷумҳурии Тоҷикистон” воқеъ дар ноҳияи Ҷаббор Расулови вилояти Суғд доир гардид.

Кушодашавии расмии лагер рӯзи 26-уми май, пас аз машқҳои пагоҳирӯзи ва хӯроки субҳгоҳӣ оғоз шуд. Дар доираи ин лагер семинарҳои омӯзишии гуногуни маърифатӣ, фарҳангӣ ва варзишӣ гузаронида шуда. Ҳамзамон чорабиниҳои зиёде оид ба тарзи ҳаёти солим, рӯ наовардан ба фарҳанги бегона, дуруст интихоб намудани касб, рушди малакаҳои зеҳнӣ ва равнақ бахшидан ба сатҳи илму дониш ва якчанд бозиҳои зеҳнӣ, ки барои заковатмандии ҷавонон кӯмак мерасонанд, баргузор гардиданд.

Субҳи 27 май машқҳои дастаҷамъонаи пагоҳирӯзи таҳти унвони “Ҳаёти солим бо варзиш” доир гардид. Нимаи аввали рӯз тренинги омӯзишӣ дар мавзӯи “Проблема, намудҳои проблема ва роҳҳои ҳали он” доир гардид. Дар он 50 нафар ширкат варзида бо масъулин оид ба мавзӯъ саволу ҷавоб намуданд. Дар қисмати дуввуми рӯз аз тарафи иштирокчиён барномаи фарҳанги намоиш дода шуд.

Дар рӯзи дигари лагер иштирокчиён маконҳои таърихӣ ва фарҳангии шаҳри Хуҷанди бостонро тамошо карданд. Махсусан иштирокчиён бо шинос шудан аз ҳар як нақшу нигори муассисаи давлатии “Қасри арбоб”, ки дар тақдири миллати тоҷик нақши ҳалкунанда дорад, хушнудӣ изҳор намуданд. 

Иштирокчиёни лагер гуфтанд, ки ташкили чунин сафарҳо барои ҷавонон аз манфиат холӣ нест. Бибиомина, гирандаи Стипедияи президентӣ, яке аз иштирокдорони фаъоли лагер иброз дошт ки: “Барои мо, ҷавонон бисёр шодиовар ва боиси ифтихори бузург аст, ки имрӯзҳо таваҷҷуҳи давлату Ҳукумат, махсусан Пешвои миллат ба мо нигаронида шудааст. Президент ҷавононро дар тамоми соҳаҳо дастгирӣ менамояд ва моро неруи бузург, қувваи созанда, симо ва ояндаи миллат меҳисобанд”.

Гулшанбону иштирокчии дигари лагер мегӯяд, сарфароз аст, ки ҳамчун як ҷавони фаъол дар лагери ҷумҳуриявӣ иштирок дорад. 
Муҳаммадисо намоянда аз ноҳияи Рашт қайд намуд, ки дар ин лагер бо мақсадҳое, ки дар назди худ дошт, ноил гардид: “Ташкил ва баргузории чунин лагери ҷумҳуриявӣ ғамхории дигари Пешвои миллат нисбати мо, ҷавонон аст. Мо, ҷавонон ҳамчун неруи бунёдкору созанда ва давомдиҳандаи насли гузашта, дар меҳвари таваҷҷуҳи Пешвои миллат муҳтарам Эмомалӣ Раҳмон қарор гирифтаем, ки ин боиси ифтихори мост. Лагери чоррӯза мо, ҷавонони кишварро боз ҳам муттаҳид сохт”.

Иштирокчиёни лагер рӯзи 29 май, ба пойтахт баргаштанд. Онҳо зимни мулоқот бо роҳбарияти кумита таассуроти худро бо миннатдорӣ баён карданд.


Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Июн 2019 c.