Бо ибтикори Шуъбаи кор бо занон ва оилаи Мақомоти иҷроияи ҳокимияти давлатии шаҳри Кӯлоб дар китобхонаи вилоятии ба номи Садриддин Айнӣ бо иштироки донишҷӯён ва оилаҳои муваффақ маҳфили оиладорӣ таҳти унвони “Оилаҳои ибратомӯз” баргузор гардид.

Ба таъкиди масъулин ҳадаф аз баргузории маҳфили мазкур баланд бардоштани маърифати оиладорӣ, омодасозии ҷавонон ба ҳаёти мустақилона ва ҳидояти ҷавондухтарон ба зиндагии ибратомӯз мебошад.

Гуфта шуд, ки ҳар як ҷавон бояд аз имрӯз сар карда, барои зиндагии ояндаи хеш заминаи мусоид фароҳам оварда, баҳри намуна будан дар зиндагӣ талош намояд. Махсусан ҷавондухтаронро мебояд, то тамоми корҳои рӯзгордориро аз бар намоянду оилаи солим барпо созанд.