Имрӯз дар толори Кумитаи миллии олимпӣ бо иштироки раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдулло Раҳмонзода маҳфили омӯзишии “Ҷавонон пайрави Пешвои миллат” ҷамъбаст гардид.



Дар оғоз Абдулло Раҳмонзода аз ҷараёни омӯзиш изҳори қаноатмандӣ намуда, иброз дошт, ки баргузории чунин курсҳои омӯзишӣ барои мукаммал гардидани дониши сиёсӣ ва бедор кардани ҳисси худшиносию ватанпарастии ҷавонон боис мегардад. Аз ҷумла гуфта шуд: “Дар курси мазкур ба воситаи ошноӣ пайдо намудан, ба ҳаёту фаъолияти нафарони бонуфузу барӯманди ҷомеа ҷавонон тавонистанд, маҷмӯи донишҳои гуногунро аз худ намуда, қувваи зеҳнии худро мустаҳкам намоянд”.

Дар идома фаъолияти семоҳаи ҷавонон дар маҳфили омӯзишии “Ҷавонон пайрави Пешвои миллат” натиҷагирӣ шуда, аз 45 нафар иштироккунанда ба беҳтаринҳо шаҳодатнома тақдим гардид.

Ёдовар мешавем, ки маҳфили мазкур давоми се сол аст, ки аз ҷониби КҶВ ташкил гардида, дар он ҷавонони фаъол муддати се моҳ ба таълим фаро гирифта мешаванд. Ин навбат он аз 6 феврал то 6 май идома ёфт, ки чун солҳои қаблӣ дар он ҷавонони фаъоли донишгоҳу донишкадаҳои олӣ иштирок намуданд.