ҶАВОНОН
Панҷшанбе 25 Апрел 2024 05:53
Пул ин уҳдадорӣ аст. Ман ба касе бо пули худ чӣ гуна муомила карданро намеомӯзам, вале маслиҳат медиҳам, ки онро оқилона истифода намоянд.
Чак ФИНИ
Чак Фини. Кист ӯ ва чаро миллиардери бе миллиардаш меноманд? Асосгузори Duty Free, шахси накӯкору соҳибэҳсон ва намунаи ибрат барои кулли сарватмандони олам. Молу сарвати хеле зиёде андӯхтааст, ки тақрибан ҳамаашро сарфи корҳои хайру савоб намудааст.
МИЛЛИАРДЕРИ ФУРӮТАН
Чак Фини (номи пуррааш Чарлз Фини). Ин фарди инсондӯсту саховатпеша, ки аслу насабаш ирландӣ мебошад, дар шаҳри Элизабети штати Ню-Ҷерсии Амрико ба дунё омадааст. Ӯ 86-сола буда, дороияш 7,5 миллиард долларро ташкил медиҳад. На мошини шахсӣ дораду на бӯстосаро, дар хонаи иҷора зиндагӣ мекунад. Соати дастиаш ҳамагӣ 15 доллар арзиш дошта, куртаи пахтагини ғиҷимшуда мепӯшад. Дар кӯчаҳои Ирландия ӯро сайёҳи амрикоӣ мепиндоранд. Дар қаҳвахонаҳо хӯрок мехӯрад, аз мағозаҳои истифодаи умум харид мекунад ва аз хизматрасонии метро ё таксӣ истифода мекунад.
САРВАТМАНДИ САХОВАТПЕША
Чак Фини маблағҳои хешро асло беҳуда ва бемақсад сарф намекард, балки танҳо лоиҳа ва барномаҳоеро рӯи кор мегирифт, ки ҳатман манфиати зиёд оварда метавонистанд (Ӯро аксар одамон шахси мумсик ва зихна меномиданд). Ӯ ҳама саъю кӯшиши худро барои некӯаҳволии мардум равона менамуд. Тавассути лоиҳаҳои ӯ одамон соҳиби маълумот, ҷои кор шуда, вазъи саломатӣ ва тарзи ҳаёти худро беҳтар месохтанд.
Аммо касе наметавонад Чак Финиро шахси мумсик ҳисобад, чунки ӯ тамоми сарвату боигарии худро барои корҳои хайр сарф намудааст. Ӯ то соли 2013 ба фондҳои хайрия зиёда аз 6 миллиард доллар тақсим намуд. Баъдан якуним миллиарди боқимондаашро низ барои беҳтарсозии фаъолияти соҳаҳои мухталиф, аз қабили муассисаҳои тиббӣ, хонаҳои пиронсолон, соҳаи илму маориф ва ғайраҳо масраф намуд.
DUTY FREE
Чак Фини тиҷорати худро аз сифр оғоз намуда, тавонист дар як муддати кӯтоҳ фаъолияти ширкати худро дар 27 кишвари дунё густариш диҳад. Даромади ӯ босуръат афзоиш меёфт ва ҳамзамон қисми зиёди он ба фонди хайрияи “The Atlantic Philanthropies” сарф мешуд.
Соли 1964 сайёҳони ҷопонӣ фаъолона дар тамоми ҷаҳон саёҳат мекарданд. Фини дарк намуд, ки чӣ гуна дар ин муҳит метавон тиҷорати бобарорро ба роҳ монд. Ӯ духтарони маҳаллии хушсиморо ба кор гирифта, мағозаҳояшро бо ҳар гуна молу ашёи миллӣ ва мавриди ниёзи ҳамагон, аз қабили туҳфаҳо, атриёт, шаробу сигорҳои аълосифат, ки ҳатман мақбули сайёҳон мегардиданд, зиннат дод.
ЭҲСОНКОРИ АСИЛ
Аҷиб, ки Чак пул кор карданро хеле дӯст медошт, вале онҳоро аслан барои худ сарф намекард. Ӯ мегӯяд: “Вақте шахс пули зиёд дорад, бояд мушкилоти бузургро ҳал кунад”
Фини бо арзиши 5 миллион доллар дар ҷазираи Сейпан фурудгоҳ сохт. Аммо дастоварди аз ин ҳам бузургтари ӯ бунёди бинои Донишгоҳи Лимерик буд, ки дар Ирландия аз беҳтарин донишгоҳҳо маҳсуб меёбад. “Ман аз сарф кардани маблағ барои корҳои хайр эҳсоси зиёди қаноатмандӣ ва хушҳолӣ менамоям. Албатта, барои корҳои хайру савоб сарф кардани маблағ мантиқӣ ва хеле беҳтар аст, аз он ки онро солиёни зиёд дар бонкҳо пасандоз намоӣ”, - мегӯяд Фини.
Билл Гейтс Чакро намунаи олии эҳсонкорӣ унвон намуда, тақлид ва пайравӣ кардан ба ӯро таъкид менамояд.
АМАЛДОРИ БОИНСОФ
Чак Фини дар давраи 15 соли аввали муваффақияти худ ҳама дороии худро аз ҳамагон пинҳон мекард ва эҳсонкориҳояшро пинҳонӣ анҷом медод. Чунки кибру ғурур ва шуҳратро дӯст намедошт ва намехост, ки пулҳояшро танҳо барои худ нигоҳдорӣ ва сарф кунад. Дар тӯли ҳаёташ танҳо 5 маротиба бо хабарнигорон ҳамсуҳбат шудаасту халос. Танҳо баъди он ки маҷаллаи машҳури Forbes дар бораи ӯ маводе нашр намуд, оламиён дар бораи ин соҳибкори муваффақ ва саховатпеша огаҳӣ пайдо намуданд. Он замон дороии Чак 13 миллиард долларро ташкил дода, ӯ дар рӯйхати ашхоси сарватманди Амрико дар мақоми 31-ум ҷойгир буд. Вале Forbes саҳв карда буд, чунки дороии Чак хеле зиёдтар аз он буд ва он аллакай ба худаш тааллуқ надошт: Чак дар синни 51-солагӣ фонди хайрияи “The Atlantic Philanthropies”-ро таъсис дода, қисми зиёди сармояи худро ба он гузаронид.
ДАР ЗИНДАГӢ ХАЙР БОЯД КАРД
Ба андешаи Чак Фини на баъди марг, балки дар зиндагӣ хайр бояд кард. Ва бояд он соҳаҳоеро дастгирӣ намуд, ки минбаъд барои некӯаҳволии одамон мусоидат карда метавонад. Ин аст, ки ӯ дар Ирландия, Австралия, Амрико донишгоҳҳо бунёд намудааст, зеро хуб медонад, ки ашхоси бомаърифату босавод ба ҷомеа манфиати бештар оварда метавонанд. Соли 2016 Чак Фини дороии боқимондаи хешро, ки зиёда аз 1,5 миллиард долларро ташкил медод, ба фонди хайрияи “The Atlantic Philanthropies” гузаронид ва дастур дод, ки то соли 2020 ин фонд бояд баста шавад.
Чак ФИНИ
Чак Фини. Кист ӯ ва чаро миллиардери бе миллиардаш меноманд? Асосгузори Duty Free, шахси накӯкору соҳибэҳсон ва намунаи ибрат барои кулли сарватмандони олам. Молу сарвати хеле зиёде андӯхтааст, ки тақрибан ҳамаашро сарфи корҳои хайру савоб намудааст.
МИЛЛИАРДЕРИ ФУРӮТАН
Чак Фини (номи пуррааш Чарлз Фини). Ин фарди инсондӯсту саховатпеша, ки аслу насабаш ирландӣ мебошад, дар шаҳри Элизабети штати Ню-Ҷерсии Амрико ба дунё омадааст. Ӯ 86-сола буда, дороияш 7,5 миллиард долларро ташкил медиҳад. На мошини шахсӣ дораду на бӯстосаро, дар хонаи иҷора зиндагӣ мекунад. Соати дастиаш ҳамагӣ 15 доллар арзиш дошта, куртаи пахтагини ғиҷимшуда мепӯшад. Дар кӯчаҳои Ирландия ӯро сайёҳи амрикоӣ мепиндоранд. Дар қаҳвахонаҳо хӯрок мехӯрад, аз мағозаҳои истифодаи умум харид мекунад ва аз хизматрасонии метро ё таксӣ истифода мекунад.
САРВАТМАНДИ САХОВАТПЕША
Чак Фини маблағҳои хешро асло беҳуда ва бемақсад сарф намекард, балки танҳо лоиҳа ва барномаҳоеро рӯи кор мегирифт, ки ҳатман манфиати зиёд оварда метавонистанд (Ӯро аксар одамон шахси мумсик ва зихна меномиданд). Ӯ ҳама саъю кӯшиши худро барои некӯаҳволии мардум равона менамуд. Тавассути лоиҳаҳои ӯ одамон соҳиби маълумот, ҷои кор шуда, вазъи саломатӣ ва тарзи ҳаёти худро беҳтар месохтанд.
Аммо касе наметавонад Чак Финиро шахси мумсик ҳисобад, чунки ӯ тамоми сарвату боигарии худро барои корҳои хайр сарф намудааст. Ӯ то соли 2013 ба фондҳои хайрия зиёда аз 6 миллиард доллар тақсим намуд. Баъдан якуним миллиарди боқимондаашро низ барои беҳтарсозии фаъолияти соҳаҳои мухталиф, аз қабили муассисаҳои тиббӣ, хонаҳои пиронсолон, соҳаи илму маориф ва ғайраҳо масраф намуд.
DUTY FREE
Чак Фини тиҷорати худро аз сифр оғоз намуда, тавонист дар як муддати кӯтоҳ фаъолияти ширкати худро дар 27 кишвари дунё густариш диҳад. Даромади ӯ босуръат афзоиш меёфт ва ҳамзамон қисми зиёди он ба фонди хайрияи “The Atlantic Philanthropies” сарф мешуд.
Соли 1964 сайёҳони ҷопонӣ фаъолона дар тамоми ҷаҳон саёҳат мекарданд. Фини дарк намуд, ки чӣ гуна дар ин муҳит метавон тиҷорати бобарорро ба роҳ монд. Ӯ духтарони маҳаллии хушсиморо ба кор гирифта, мағозаҳояшро бо ҳар гуна молу ашёи миллӣ ва мавриди ниёзи ҳамагон, аз қабили туҳфаҳо, атриёт, шаробу сигорҳои аълосифат, ки ҳатман мақбули сайёҳон мегардиданд, зиннат дод.
ЭҲСОНКОРИ АСИЛ
Аҷиб, ки Чак пул кор карданро хеле дӯст медошт, вале онҳоро аслан барои худ сарф намекард. Ӯ мегӯяд: “Вақте шахс пули зиёд дорад, бояд мушкилоти бузургро ҳал кунад”
Фини бо арзиши 5 миллион доллар дар ҷазираи Сейпан фурудгоҳ сохт. Аммо дастоварди аз ин ҳам бузургтари ӯ бунёди бинои Донишгоҳи Лимерик буд, ки дар Ирландия аз беҳтарин донишгоҳҳо маҳсуб меёбад. “Ман аз сарф кардани маблағ барои корҳои хайр эҳсоси зиёди қаноатмандӣ ва хушҳолӣ менамоям. Албатта, барои корҳои хайру савоб сарф кардани маблағ мантиқӣ ва хеле беҳтар аст, аз он ки онро солиёни зиёд дар бонкҳо пасандоз намоӣ”, - мегӯяд Фини.
Билл Гейтс Чакро намунаи олии эҳсонкорӣ унвон намуда, тақлид ва пайравӣ кардан ба ӯро таъкид менамояд.
АМАЛДОРИ БОИНСОФ
Чак Фини дар давраи 15 соли аввали муваффақияти худ ҳама дороии худро аз ҳамагон пинҳон мекард ва эҳсонкориҳояшро пинҳонӣ анҷом медод. Чунки кибру ғурур ва шуҳратро дӯст намедошт ва намехост, ки пулҳояшро танҳо барои худ нигоҳдорӣ ва сарф кунад. Дар тӯли ҳаёташ танҳо 5 маротиба бо хабарнигорон ҳамсуҳбат шудаасту халос. Танҳо баъди он ки маҷаллаи машҳури Forbes дар бораи ӯ маводе нашр намуд, оламиён дар бораи ин соҳибкори муваффақ ва саховатпеша огаҳӣ пайдо намуданд. Он замон дороии Чак 13 миллиард долларро ташкил дода, ӯ дар рӯйхати ашхоси сарватманди Амрико дар мақоми 31-ум ҷойгир буд. Вале Forbes саҳв карда буд, чунки дороии Чак хеле зиёдтар аз он буд ва он аллакай ба худаш тааллуқ надошт: Чак дар синни 51-солагӣ фонди хайрияи “The Atlantic Philanthropies”-ро таъсис дода, қисми зиёди сармояи худро ба он гузаронид.
ДАР ЗИНДАГӢ ХАЙР БОЯД КАРД
Ба андешаи Чак Фини на баъди марг, балки дар зиндагӣ хайр бояд кард. Ва бояд он соҳаҳоеро дастгирӣ намуд, ки минбаъд барои некӯаҳволии одамон мусоидат карда метавонад. Ин аст, ки ӯ дар Ирландия, Австралия, Амрико донишгоҳҳо бунёд намудааст, зеро хуб медонад, ки ашхоси бомаърифату босавод ба ҷомеа манфиати бештар оварда метавонанд. Соли 2016 Чак Фини дороии боқимондаи хешро, ки зиёда аз 1,5 миллиард долларро ташкил медод, ба фонди хайрияи “The Atlantic Philanthropies” гузаронид ва дастур дод, ки то соли 2020 ин фонд бояд баста шавад.
Хабарҳои дигар
Рӯзнома
Эзоҳи худро нависед