ҶАВОНОН
Якшанбе 16 Июн 2019 08:22
5922
Дар толори мақомоти иҷроияи ҳокимияти давлатии шаҳри Хуҷанд мизи мудаввар таҳти унвони “Ҷавонон – пайрави Пешвои миллат” бо иштироки гирандагони стипендияи Президентӣ ва раиси шаҳр баргузор гардид. 

Чорабиниро мутахассиси Бахши кор бо ҷавонон ва варзиши шаҳри Хуҷанд Абдувосит Ғафуров ҳусни ифтитоҳ бахшида, аз ҷумла иброз дошт, ки таҷлили Рӯзи ҷавонони Тоҷикистон натиҷагирии кору пайкори ҷавонони кишвар дар ҷодаи бунёдкорӣ ва ободонии Ватан мебошад.

Сипас Муталиб Маҳмудов, мутахассиси шуъбаи кор бо ҷавонони Донишгоҳи давлатии Хуҷанд ба номи академик Бобоҷон Ғафуров, роҳбари маҳфили умумидонишгоҳии “Пайравони Пешвои миллат” доир ба мавзӯи “Пешвои миллат – бунёдгузори сиёсати давлатии ҷавонон” суханронӣ намуд. Мавсуф қайд кард, ки сиёсати давлатии ҷавонон ҳанӯз аз оғози ба даст овардани Истиқлолияти давлатӣ дар меҳвари таваҷҷуҳи давлату Ҳукумати кишвар қарор дошта, Пешвои миллат бо ифтихормандӣ ба савияи дониш ва маърифату ҷаҳонбинии мо - ҷавонон баҳои баланд дода, ин қишри ҷомеаро неруи созанда ва қувваи пешбаранда унвон кардаанд.

Мизи мудаввар бо мубодилаи афкор ҳусни анҷом пазируфт.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Июн 2019 c.