Дар толори фарҳанги мақомоти иҷроияи маҳаллии ҳокимияти давлатии ноҳияи Роштқалъа дар мавзӯи "Дасти дуои модар" мизи мудаввар доир гардид.

Дар чорабинӣ шоирону нависандагони кишвар, аз ҷумла Хушомади Алидод, Назархудои Назархудо, Рӯдобаи Чаман, қаҳрамонмодарону собиқадорони меҳнат ва ҷавонон ширкату баромад намуданд.

Аҳли қаламу адаб беҳтарин ашъори хешро дар васфи модар, "Аллаи сафобахши зиндагӣ", "Гавҳари ноёб", "Фариштаи заминӣ" қироат карда, табъи ҳозиринро бо мазмуни баланду лафзи ширин болида сохтанд.

Ҳамчунин, аз ҷониби сокинони ноҳия намоиши дастовардҳои мардумӣ, либосҳои миллӣ, асбобҳои мусиқӣ, аз қабили сетору рубоби бадахшонӣ, ғижак, доираву танбур ва ғайра ба маърази тамошо гузошта шуд.

Бояд тазаккур дод, ки чорабинӣ бо ташаббуси Бахши кор бо ҷавонон ва варзиш дар ҳамкорӣ бо Шуъбаи кор бо занон ва оилаву идораи рӯзномаи "Шоҳдара"- и ноҳия ташкил гардид.