Дар маҷлисгоҳи МИҲД-и ноҳияи Айнӣ мизи мудаввар зери унвони “Волонтёр будан шараф аст!” баргузор гардид.
 
Наврӯзбой Носиров, мудири Бахши кор бо ҷавонон ва варзиши ноҳия атрофи ба роҳ мондани чорабиниҳои мақсаднок ҷиҳати таъмини иштироки васеи ҷавонон дар корҳои ободонию кабудизоркунӣ ва экологӣ суханронӣ намуда, баҳри саҳмгузор будани ҷавонон дар рушди Ватану кишвар ва ободию гул-гулшукуфоии он даъват ба амал овард.

Таъкид шуд, мақсад аз баргузор намудани мизи мудаввар, ин таваҷҷӯҳи ҷавононро ҷалб кардан атрофи баргузории чорабиниҳои гуногуни маърифатию иттилоотӣ, вобаста ба таъмини иштироки фаъолонаи ҷавонон дар амалигардонии дастуру ҳидоят ва супоришҳои мақсадноки паём ва дигар чорабиниҳои вобаста ба қонунҳои миллӣ тариқи ҳаракатҳои волонтёрӣ мебошад.