Маркази миллии тестии назди Президенти Ҷумҳурии Тоҷикистон муҳлати бақайдгирии довталабон барои иштирок дар имтиҳонҳои марказонидашудаи дохилшавиро дар нуқтаҳои бақайдгирии шаҳру ноҳияҳои кишвар тамдид кард.

Дар ин бора аз дафтари матбуоти ММТ хабар доданд.

Ба иттилои манбаъ довталабон метавонанд, то 2 май худро ба нуқтаҳои бақайдгирии шаҳру ноҳияҳо ҳозир карда, ҷиҳати иштирок дар имтиҳонҳои марказонидашудаи дохилшавӣ ҳуҷҷатҳояшонро супоранд.

Лозим ба зикр аст, ки тибқи нақшаи фаъолияти Марказ давраи дуюми бақайдгирии довталабон барои иштирок дар ИМД-2024 аз 10-ум то 30-юми июн ба роҳ монда мешавад. Шахсони хоҳишманди номнависӣ барои иштирок дар ИМД-2024, ки дар давраи якум (асосӣ)-и бақайдгирӣ худро сабти ном карда наметавонанд, имкон доранд, ки дар давраи дуюм худро номнавис кунанд.