Санаи 17 декабри соли ҷорӣ бо ташаббуси Раёсати кор бо ҷавонон ва варзиши вилояти Суғд намояндагони раёсат бо мақсади дидорбинӣ ва аҳволпурсии ҷавонони имконияташон маҳдуд ба шаҳри Истиқлол рафтанд.

Аёдати ҷавонони бемор дар арафаи Соли нави мелодӣ аз иқдомоти арзандаи Асосгузори сулҳу ваҳдати миллӣ - Пешвои миллат, Президенти мамлакат муҳтарам Эмомалӣ Раҳмон ва дастгириҳои ҳаматарафаи раиси вилоят Раҷаббой Аҳмадзода ба ҳисоб меравад.

Дар доираи ин дидорбинӣ намояндагони раёсат аз ҳолу аҳволи ин қишри ҷомеа огоҳ гардида, ба онҳо шифои комил таманно намуда, кумаки яквақтаина расониданд.

Ҳамзамон изҳор доштанд, ки ҷавонони кишвар ва умуман, ҳамаи қишри ҷомеа дар зери таваҷҷуҳи ҳамарӯзаи давлат ва Ҳукумати кишвар қарор доранд.