Дар ноҳияи Муъминобод роҳпаймоии ҷавонони ноҳия таҳти унвони “Мо бо Тоҷикистон, бо Пешвои миллат ифтихор дорем” ва “Роғун ояндаи дурахшони Тоҷикистон” бахшида ба Рӯзи Президент баргузор гардид.

Баъд аз роҳпаймоии ҷавонон дар толори Қасри фарҳанги ноҳия хизматҳои шоёни Пешвои миллат дар роҳи расидан ба истиқлолияту ваҳдати ҷовидонӣ дар шакли филм, дар ҳаҷми як соат ба маърази тамошо гузошта шуд, ки ҳозирин ба он баҳои баланд доданд.

Ба ҳамин монанд ҳамоиш дар ноҳияи Лахш низ бахшида ба таҷлили Рӯзи Президенти Ҷумҳурии Тоҷикистон бо иштироки зиёда аз 3000 нафар ҷавонони ноҳия роҳпаймои таҳти унвони “Мо ҷавонон пайрави Пешвои миллатем” доир гардид, ки он аз худшиносу худогоҳ будани ҷавонон шаҳодат медод.