Аз тарафи Раёсати кор бо ҷавонон ва варзиши вилояти Суғд дар муассисаи таҳсилоти миёнаи умумии рақами 7-и шаҳри Гулистон бо иштироки 200 нафар ҷавонон, кормандони касбу кори гуногун ва хонандагон вохӯрӣ доир гардид.

Вохӯрии мазкур оиди расонидани мӯҳтавои Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ гузаронида шуда, дар он масъулин доир ба масъалаҳои дар Паём зикргардида, ибрози назар намуданд.