ҶАВОНОН
Ҷумъа 29 Март 2024 04:58
Дар толори конфронсии бинои “Созидание”- и шаҳри Душанбе 5 апрел ҷаласаи Шӯрои “Маҳфили ҷавонони дар хориҷи кишвар таҳсилдошта” баргузор гардид. Дар ҷаласаи мазкур Раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Абдуллозода Аҳтам, намояндагони Вазорати корҳои хориҷӣ, Вазорати меҳнат, муҳоҷират ва шуғли аҳолӣ, Кумитаи кор бо занон ва оила ва маркази барномаҳои байналмилалии Вазорати маориф ва илм иштирок ва суханронӣ намуданд.
Дар оғози кори Шӯро, раиси Кумитаи кор бо ҷавонон ва варзиш Абдуллозода Аҳтам доир ба фаъолияти маҳфил дар кишварҳои хориҷ суханронӣ намуда, иброз дошт ки: «Дар давоми фаъолияти худ намояндагони маҳфил дар 15 давлати ҷаҳон таъсис дода шудааст, ки ҷавонони тоҷикро боз ҳам муттаҳид сохт. Мақсад аз баргузории ҷаласаи шӯрои мазкур пеш аз ҳама тақвият бахшидани кори маҳфил, ҷоннок намудани фаъолияти он дар сатҳи вилоят, шаҳр ва донишгоҳҳои давлати иқомат доштаи ҷавонон иборат мебошад. Имрӯзҳо фаъолияти маҳфили ҷавонони дар хориҷи кишвар таҳсилдошта беҳбудиро тақозо мекунад”.
Ҷаласаи Шӯрои мазкур тариқи онлайн баргузор шуда, дар он роҳбарони маҳфил оид ба донишҷӯёни тоҷике, ки хориҷ аз кишвар таҳсил доранд, тариқи онлайн (мустақим) сӯҳбат намуда, мушкилот ва дастовардҳои донишҷӯёни тоҷикро дар давлатҳои хориҷ иброз доштанд. Намояндагии маҳфили мазкур айни ҳол дар 14 вилоят ва 42 донишгоҳҳои бонуфузи давлати Русия таъсис дода шуда, аъзои маҳфил пайваста дар баргузории чорабиниҳои гуногун дар Русия фаъолияти хуб нишон медиҳанд.
Ҷамшед Баҳодуров, намояндаи маркази барномаҳои байналмилалии Вазорати маориф ва илми Ҷумҳурии Тоҷикистон чунин қайд намуд, ки: “Муносибатҳои байналмилалӣ маҳаки асосии ҳамкории байни кишварҳо дар самтҳои мухталиф маҳсуб меёбад. Маҳз зимни сиёсати пешгирифтаи давлат ва Ҳукумати Ҷумҳурии Тоҷикистон соҳаи маориф дар ҷойи аввал гузошта шудааст. Аз ин лиҳоз Ҳукумати Ҷумҳурии Тоҷикистон 31 декабри соли 2008 қарор дар бораи таъсиси муассисаи маркази барномаҳои байналмилалиро қабул намуданд, ки марказ тибқи қарори минбаъда аз 3 марти соли 2014 ба низоми зерсохтори Вазорати маориф ва илми Ҷумҳурии Тоҷикистон ворид гардид.
Мақсад аз таъсисёбии ин марказ дар он аст, ки ҷалби хонандагон ва донишҷӯёни болаёқатро барои таҳсил дар хориҷи кишвар ба танзим дароварда, бо муасиссаҳои таълимии хориҷи кишвар робита барқарор менамояд. Инчунин бо мақсади тайёр намудани кадрҳои ба бозори меҳнати Ҷумҳурии Тоҷикистон рақобатпазир бо муассисаҳои таълимии кишварҳои хориҷ шартномаҳоро ба имзо мерасонад”.
Гуфта шуд, ки айни ҳол тавассути бурсияҳои хориҷӣ, дар доираи ҳамкориҳои муштараки Ҳукумати Ҷумҳурии Тоҷикистон бо давлатҳои хориҷӣ зиёда аз 30 ҳазор нафар ҷавонон дар донишгоҳҳои бонуфузи дунё таҳсил намуда истодаанд, ки ин барои омода намудани кадрҳои баландихтисоси ҷавобгӯ ба талаботҳои замони муосир заминаи хубе фароҳам меорад.
Зулфия Буттаева, намояндаи Вазорати корҳои хориҷӣ зимни суханронӣ гуфт: “Боварии комил дорам, ки ҷавонони “Маҳфили дар хориҷи кишвар таҳсилдошта” аз ҷониби Вазорати корҳои хориҷӣ ва Кумитаи кор бо ҷавонон ва варзиш дастгирӣ ёфта, дар пиёдагардонии сиёсати пешгирифтаи ҳукумати кишвар саҳми назаррас мегузорад. Мо бояд кӯшиш намоем, ки донишҷӯёни тоҷик дониш ва малакаи хешро такмил дода, дар рушду ободонии кишвар саҳми худро гузоранд. Бояд қайд намуд, ки якчанд ҷавон ва донишҷӯёни мо дар марказҳои динии кишварҳои хориҷ ғайрирасмӣ таҳсил намуда, ба фаъолиятҳои ғаразнок машғул ҳастанд. Ҷиҳати пешгирии чунин нафарон дар моҳи майи соли 2017 аз ҷониби вазорат ба ҳамаи сафорату намояндагиҳои Тоҷикистон дар хориҷа нақшаи фаъолияти “Маҳфили ҷавонони дар хориҷи кишвар таҳсилдошта”, ирсол карда шуд.”- гуфт ӯ.
Тазаккур медиҳем, ки аъзои маҳфил бахшида ба ҷашнҳои миллӣ ва давлатӣ чорабиниҳои гуногунро бо доираи васеи тоҷикони муқими давлатҳои хориҷӣ ва намояндагии дигар давлатҳо низ доир менамоянд, ки ин барои муаррифии давлату миллат, фарҳанги волои тоҷикон, осори пурғановат ва дигар арзишҳои бузурги миллати тоҷик заминаи мусоид фароҳам меоварад.
Салимзода Каримҷон, роҳбари маҳфил ҳамчунин қайд намуд, ки “Фаъолияти механизми маҳфил дар ин давра дар мувофиқа бо мақомоти салоҳиятдори давлатӣ дар самти татбиқи сиёсати давлатии ҷавонон дар Ҷумҳурии Мардумии Чин, Қазоқистон, Украина, Белорусия, Полша, Германия, ИМА, Туркия, Малайзия, Италия, Варшава, Прага, Франсия, Индонезия ва Федератсияи Русия ба роҳ монда шуда, намояндагии маҳфил дар давлатхои зикршуда мунтазам ҷиҳати мусоидат дар баррасии баргузории чорабиниҳои гуногун ва иқдомоти ташаббусҳои донишҷӯёни тоҷик мусоидат менамояд”.
Фарида Алимардонова, донишҷӯи Донишгоҳи иқтисод ва савдои давлати Белорусия тариқи онлайн иброз дошт, ки “Мақсади аввалиндараҷаи мо, ҷавонон, муаррифии кишвар ва миллати тоҷик дар ҷомеаи ҷаҳонӣ мебошад ва вазифаи ҳар як ҷавоне, ки хориҷ аз кишвар таҳсил мекунад, аз ин иборат аст. Айни ҳол таҳсил дар Ҷумҳурии Белорус хело хуб ҷараён дорад ва ҷавонони тоҷик дар ҳаёти сиёсиву фарҳангӣ, барномаҳои таълимиву ҷамъиятӣ иштироки фаъолона доранд. Шароитҳои беҳтарин барои ҳар яки мо муҳайё аст ва аз мо, ҷавонон, танҳо иродаи қавӣ, саъю талош лозим аст, ки донишҳои муосирро аз худ намуда, барои рушди Ватани маҳбубамон саҳмгузор бошем”,- гуфт, Фарида.
Дар охири ҷаласаи Шӯро намояндагони дигар вазоратҳо суханронӣ намуданд ва донишҷӯёни хориҷи кишвар барои дастгирии пайвастаи Асосгузори сулҳу ваҳдати миллӣ- Пешвои миллат муҳтарам Эмомалӣ Раҳмон миннатдории хешро баён намуданд.
Ёдовар мешавем, ки аз соли 2014 инҷониб “Маҳфили ҷавонони дар хориҷи кишвар таҳсилдошта” дар назди Кумитаи кор бо ҷавонон ва варзиш фаъолият карда истодааст. Он бо мақсади муттаҳид гардонидан, баррасии мушкилоту камбудиҳои ҷавонони дар хориҷи кишвар таҳсилдошта, инчунин дастгирии ҷавонони боистеъдод таъсис дода шудааст. Маҳфили мазкур василаи муаррифии Тоҷикистон дар арсаи байналмилалӣ ва баланд бардоштани ҳувияти миллии ҷавонони дар хориҷ таҳсилкунанда мебошад.
Дар оғози кори Шӯро, раиси Кумитаи кор бо ҷавонон ва варзиш Абдуллозода Аҳтам доир ба фаъолияти маҳфил дар кишварҳои хориҷ суханронӣ намуда, иброз дошт ки: «Дар давоми фаъолияти худ намояндагони маҳфил дар 15 давлати ҷаҳон таъсис дода шудааст, ки ҷавонони тоҷикро боз ҳам муттаҳид сохт. Мақсад аз баргузории ҷаласаи шӯрои мазкур пеш аз ҳама тақвият бахшидани кори маҳфил, ҷоннок намудани фаъолияти он дар сатҳи вилоят, шаҳр ва донишгоҳҳои давлати иқомат доштаи ҷавонон иборат мебошад. Имрӯзҳо фаъолияти маҳфили ҷавонони дар хориҷи кишвар таҳсилдошта беҳбудиро тақозо мекунад”.
Ҷаласаи Шӯрои мазкур тариқи онлайн баргузор шуда, дар он роҳбарони маҳфил оид ба донишҷӯёни тоҷике, ки хориҷ аз кишвар таҳсил доранд, тариқи онлайн (мустақим) сӯҳбат намуда, мушкилот ва дастовардҳои донишҷӯёни тоҷикро дар давлатҳои хориҷ иброз доштанд. Намояндагии маҳфили мазкур айни ҳол дар 14 вилоят ва 42 донишгоҳҳои бонуфузи давлати Русия таъсис дода шуда, аъзои маҳфил пайваста дар баргузории чорабиниҳои гуногун дар Русия фаъолияти хуб нишон медиҳанд.
Ҷамшед Баҳодуров, намояндаи маркази барномаҳои байналмилалии Вазорати маориф ва илми Ҷумҳурии Тоҷикистон чунин қайд намуд, ки: “Муносибатҳои байналмилалӣ маҳаки асосии ҳамкории байни кишварҳо дар самтҳои мухталиф маҳсуб меёбад. Маҳз зимни сиёсати пешгирифтаи давлат ва Ҳукумати Ҷумҳурии Тоҷикистон соҳаи маориф дар ҷойи аввал гузошта шудааст. Аз ин лиҳоз Ҳукумати Ҷумҳурии Тоҷикистон 31 декабри соли 2008 қарор дар бораи таъсиси муассисаи маркази барномаҳои байналмилалиро қабул намуданд, ки марказ тибқи қарори минбаъда аз 3 марти соли 2014 ба низоми зерсохтори Вазорати маориф ва илми Ҷумҳурии Тоҷикистон ворид гардид.
Мақсад аз таъсисёбии ин марказ дар он аст, ки ҷалби хонандагон ва донишҷӯёни болаёқатро барои таҳсил дар хориҷи кишвар ба танзим дароварда, бо муасиссаҳои таълимии хориҷи кишвар робита барқарор менамояд. Инчунин бо мақсади тайёр намудани кадрҳои ба бозори меҳнати Ҷумҳурии Тоҷикистон рақобатпазир бо муассисаҳои таълимии кишварҳои хориҷ шартномаҳоро ба имзо мерасонад”.
Гуфта шуд, ки айни ҳол тавассути бурсияҳои хориҷӣ, дар доираи ҳамкориҳои муштараки Ҳукумати Ҷумҳурии Тоҷикистон бо давлатҳои хориҷӣ зиёда аз 30 ҳазор нафар ҷавонон дар донишгоҳҳои бонуфузи дунё таҳсил намуда истодаанд, ки ин барои омода намудани кадрҳои баландихтисоси ҷавобгӯ ба талаботҳои замони муосир заминаи хубе фароҳам меорад.
Зулфия Буттаева, намояндаи Вазорати корҳои хориҷӣ зимни суханронӣ гуфт: “Боварии комил дорам, ки ҷавонони “Маҳфили дар хориҷи кишвар таҳсилдошта” аз ҷониби Вазорати корҳои хориҷӣ ва Кумитаи кор бо ҷавонон ва варзиш дастгирӣ ёфта, дар пиёдагардонии сиёсати пешгирифтаи ҳукумати кишвар саҳми назаррас мегузорад. Мо бояд кӯшиш намоем, ки донишҷӯёни тоҷик дониш ва малакаи хешро такмил дода, дар рушду ободонии кишвар саҳми худро гузоранд. Бояд қайд намуд, ки якчанд ҷавон ва донишҷӯёни мо дар марказҳои динии кишварҳои хориҷ ғайрирасмӣ таҳсил намуда, ба фаъолиятҳои ғаразнок машғул ҳастанд. Ҷиҳати пешгирии чунин нафарон дар моҳи майи соли 2017 аз ҷониби вазорат ба ҳамаи сафорату намояндагиҳои Тоҷикистон дар хориҷа нақшаи фаъолияти “Маҳфили ҷавонони дар хориҷи кишвар таҳсилдошта”, ирсол карда шуд.”- гуфт ӯ.
Тазаккур медиҳем, ки аъзои маҳфил бахшида ба ҷашнҳои миллӣ ва давлатӣ чорабиниҳои гуногунро бо доираи васеи тоҷикони муқими давлатҳои хориҷӣ ва намояндагии дигар давлатҳо низ доир менамоянд, ки ин барои муаррифии давлату миллат, фарҳанги волои тоҷикон, осори пурғановат ва дигар арзишҳои бузурги миллати тоҷик заминаи мусоид фароҳам меоварад.
Салимзода Каримҷон, роҳбари маҳфил ҳамчунин қайд намуд, ки “Фаъолияти механизми маҳфил дар ин давра дар мувофиқа бо мақомоти салоҳиятдори давлатӣ дар самти татбиқи сиёсати давлатии ҷавонон дар Ҷумҳурии Мардумии Чин, Қазоқистон, Украина, Белорусия, Полша, Германия, ИМА, Туркия, Малайзия, Италия, Варшава, Прага, Франсия, Индонезия ва Федератсияи Русия ба роҳ монда шуда, намояндагии маҳфил дар давлатхои зикршуда мунтазам ҷиҳати мусоидат дар баррасии баргузории чорабиниҳои гуногун ва иқдомоти ташаббусҳои донишҷӯёни тоҷик мусоидат менамояд”.
Фарида Алимардонова, донишҷӯи Донишгоҳи иқтисод ва савдои давлати Белорусия тариқи онлайн иброз дошт, ки “Мақсади аввалиндараҷаи мо, ҷавонон, муаррифии кишвар ва миллати тоҷик дар ҷомеаи ҷаҳонӣ мебошад ва вазифаи ҳар як ҷавоне, ки хориҷ аз кишвар таҳсил мекунад, аз ин иборат аст. Айни ҳол таҳсил дар Ҷумҳурии Белорус хело хуб ҷараён дорад ва ҷавонони тоҷик дар ҳаёти сиёсиву фарҳангӣ, барномаҳои таълимиву ҷамъиятӣ иштироки фаъолона доранд. Шароитҳои беҳтарин барои ҳар яки мо муҳайё аст ва аз мо, ҷавонон, танҳо иродаи қавӣ, саъю талош лозим аст, ки донишҳои муосирро аз худ намуда, барои рушди Ватани маҳбубамон саҳмгузор бошем”,- гуфт, Фарида.
Дар охири ҷаласаи Шӯро намояндагони дигар вазоратҳо суханронӣ намуданд ва донишҷӯёни хориҷи кишвар барои дастгирии пайвастаи Асосгузори сулҳу ваҳдати миллӣ- Пешвои миллат муҳтарам Эмомалӣ Раҳмон миннатдории хешро баён намуданд.
Ёдовар мешавем, ки аз соли 2014 инҷониб “Маҳфили ҷавонони дар хориҷи кишвар таҳсилдошта” дар назди Кумитаи кор бо ҷавонон ва варзиш фаъолият карда истодааст. Он бо мақсади муттаҳид гардонидан, баррасии мушкилоту камбудиҳои ҷавонони дар хориҷи кишвар таҳсилдошта, инчунин дастгирии ҷавонони боистеъдод таъсис дода шудааст. Маҳфили мазкур василаи муаррифии Тоҷикистон дар арсаи байналмилалӣ ва баланд бардоштани ҳувияти миллии ҷавонони дар хориҷ таҳсилкунанда мебошад.
Эзоҳи худро нависед