ҶАВОНОН
Ҷумъа 20 Май 2022 09:08
4102
Далер Самадов, хатмкардаи мактаби миёнаи №8-и ноҳияи Данғара мебошад. Аз хурди орзуи дар хориҷи кишвар таҳсил карданро дошт. Вақте ӯ дар синфи 11 таҳсил мекард, бо пешниҳоди устодонаш, моҳи майи соли 2016 ба шаҳри Душанбе омад ва барои гирифтани квотаи президентӣ дар озмун иштирок намуд. Баҳри ба даст овардани квота дар озмуни мазкур аз тамоми манотиқи кишвар зиёда аз 200 нафар довталабон иштирок доштанд. Баъди ҷамъбасти озмун Далер барандаи квотаи президентӣ эълон гардиду роҳхати таҳсил дар хориҷаро ба даст овард. Ҳоло дар Донишгоҳи давлатии Алтайски шаҳри Барнаул факултети физика – техналогия, ихтисоси физика дар курси 2 таҳсил карда истодааст.

Нахустин рӯзҳои ба кишвари бегона омаданаш, дурӣ аз Ватан, падару модар, ёру дӯстон, надонистани забони бегона душвориҳои зиёдеро рӯ ба рӯяш гузошт. Аммо бо мурури замон, дар рафти таҳсил, бо хониши хубу аъло ба урфу одати давлати бегона одат карда, забони эшонро аз худ намуд. Ӯ аз он мефахрад, ки дар хориҷи кишвар тибқи квотаи президентӣ таҳсил карда истодааст.

- Ҳармоҳа ба мо 1700 рубли русӣ аз ҷониби донишгоҳ кӯмакпулӣ медиҳанд, -мегӯяд Далер. - Беҳтарин шароити зист дар хобгоҳ бароямон муҳайёст. Дар донишгоҳ бо мо беҳтарин муоширати устодону омӯзгор ба роҳ монда шудааст. Дар баробари ман дар ин донишгоҳ зиёда аз 150 ҷавонони тоҷик низ барои таҳсил омаданд, ки аксарияти онҳоро духтарон ташкил медиҳад.

Аз он ки Далер донандаи хуби забони кареягист ва бо он озодона гуфтугӯ карда метавонад, тасмим дорад, ки баъди хатми донишгоҳ магистратураро дар Ҷумҳурии Корея идома диҳад: “Мо ҷавонони тоҷики дар хориҷи кишвар таҳсил кардаистода кӯшиш ба харҷ медиҳем, то ки ба хориҷиён фарҳанги волои худро шиносонем. Ба онҳо нишон диҳем, ки мо – тоҷикон миллатӣ бузург, дорандаи таъриху фарҳанги ғанӣ, ҳунарҳои миллӣ ва тамаддуни бой мебошем. Мо – гурӯҳи донишҷӯёни тоҷикистонӣ дар донишгоҳ аксарияти ҷашнҳои миллиро, ба монанди ҷашни Наврӯз, Истиқлолият, Ваҳдати миллӣ, Рӯзи Конститутсия ва ғайраро бо тантана ҷашн мегирем. Дар мусобиқаҳои варзишӣ, дар ин кишвар фаъолона иштирок карда, тоҷик будани худ ва Тоҷикистонро муаррифӣ менамоем”-мегӯяд Далер.

Далер аз ҷавонони имрӯзаи тоҷик даъват ба амал меорад, ки донандаи хуби забонҳои хориҷӣ бошанду дар хориҷи кишвар таҳсил карда, муаррифгари кишвари худ бошанд. Ӯ аз он миннатдор аст, ки имрӯзҳо Асосгузори сулҳу Ваҳдати миллӣ – Пешвои миллат, муҳтарам Эмомалӣ Раҳмон барои ҷавонони тоҷик тамоми шароитҳоро баҳри таҳсил ва кору фаъолият муҳайё намудааст. Тасмим дорад, ки дар ҷавоб ба ин ғамхориҳо баъди таҳсил бо донишҳои ғанӣ ва замонавӣ ба Ватан баргашта содиқона ба халқу миллат хизмат намояд.

Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Май 2022 c.