4 декабр дар Душанбе Форуми серӯзаи миллӣ таҳти унвони “Аз ташкили шабакаҳо ба эътилоф: Роҳбарӣ – Масъулият – Амал” оғоз гардид, ки ба баррасии масоили марбут ба афроди гирифтори бемории ВНМО ва мушкилоти онҳо дар ҷомеа бахшида шудааст.

Ин форуми серӯза дар доираи ширкати умумиҷаҳонии “16-рӯзи амал ба муқобили зӯроварӣ дар робита ба занон” баргузор мешавад ва ба рӯзи умумиҷаҳонии Мубориза ба зидди ВНМО бахшида мешавад.

Форуми мазкур бо дастгирии Кумитаи кор бо ҷавонон ва варзиш, Кумитаи кор бо занон ва оила, Сохторҳои “СММ-Занон” дар ҳамкорӣ бо Барномаи муштараки СММ оид ба ВНМО ва Фонди аҳолии СММ оғоз шуда давоми се рӯз идома хоҳад ёфт.

Дар рӯзи аввали ин форум роҳбарону намояндагони сохторҳо ва ниҳодҳои дар боло зикршуда, бештар аз 120 нафар ҷавонони фаъоли ҷомеа, занон ва духтарони гирифтор ба бемории ВНМО ширкат намуда, маърӯза ва суханрониҳои мутахассисон ва қиссаҳои гирифторони ин бемориро аз забони худашон шуниданд.