Дар Муассисаи давлатии маркази ҷавонони ВМКБ бо иштироки мудири Бахши ҳукуқи дастгоҳи раиси вилоят Қаландарбек Алихонов, роҳбари намояндагии ҳуқуқи инсон Мавлуда Алибекзода, сардори Раёсати кор бо ҷавонон ва варзиш Ризо Раҳматшоев, корманди муассиса Дидоршоҳ Насриддинов ва ҷавонону толибилмони синфҳои болоии МТМУ мизи мудаввар баргузор гардид.

Ҳозирин мавзӯъҳои “Таърихи артиши Тоҷикистон”, “Шароити сарбозони ҳозираи тоҷик” ва “Ҷалби ҷавонон ба сафи Қувваҳои Мусаллаҳ” – ро мавриди баррасӣ қарор дода, афкору мулоҳизаҳои хешро оид ба икониятҳои нав дар артиш, таҳкими ҷузъу томҳои низомии кишвар баён намуданд.

Сипас, ҷавонон аз аслиҳаву муҳимоти ҷангии қисми низомии 0410 – и Хоруғ ва хобгоҳи сарбозон дидан карда, бо ҳайати шахсии он мулоқоти самимӣ оростанд.