Имрӯз дар доираи нақшаи чорабиниҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо сохторҳои қудратии мамлакат дар Кумитаи марказии Ташкилоти ҷамъиятии мададгори мудофиаи Тоҷикистон бо шунавандагони курсҳои омӯзишии ташкилоти мазкур ва ҷавонони синни даъватӣ мулоқоти судманд доир гардид.

Мулоқот дар арафаи 29 –умин солгарди таъсисёбии Қувваҳои Мусаллаҳи Ҷумҳурии Тоҷикистон доир гардида, дар он Дилноза Аҳмадзода, муовини раиси Кумитаи кор бо ҷавонон ва варзиш иштирок ва суханронӣ намуд.

Номбурда зимни баромади хеш қайд намуд, ки масъалаи ватандӯстӣ яке аз масъалаҳои калидӣ дар тарбия ва ташаккули насли наврасу ҷавони кишвар маҳсуб ёфта, адои уҳдадории ҳарбӣ ин рисолати ҷавонмардӣ ва қарзи шаҳрвандии ҳар як ҷавонмард мебошад. Имрӯз давлат ва Ҳукумати кишвар баҳри дифоъ ва ҳимояи марзу буми Ватан тадбирҳои судмандро амалӣ намуда, имконият ва шароитҳои хубро барои хизмат дар сафи Қувваҳои Мусаллаҳи кишвар фароҳам овардааст.

Пас аз анҷоми мулоқот дар асоси ба роҳ мондани чорабинии "Рӯзи дарҳои кушод дар қисмҳои низомии сохторҳои қудратӣ" ҷавонони синни даъватӣ аз Осорхонаи Ташкилоти ҷамъиятии мададгори мудофиаи Тоҷикистон ва намоишгоҳи техникӣ-ҳарбӣ ва варзишии ташкилот дидан намуда, ҷиҳати таълимоти ройгон дар курсҳои омӯзишии ронандагӣ номнавис шуданд.

“ҶТ