ҶАВОНОН
Шанбе 13 Июл 2024 01:42
5861
Имрӯз дар Театри давлатии академӣ–драмавии  ба номи А. Лоҳутии шаҳри Душанбе бахшида ба Рӯзи ҷавонон мулоқоти раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Аҳтам Абдуллозода бо кормандони ҷавони вазорату идораҳо ва ташкилоту муассисаҳо доир гардид.

Аҳтам Абдуллозода, раиси Кумитаи кор бо ҷавонон ва варзиш, зимни ифтитоҳи чорабинӣ нахуст иштирокчиён ва дар шахсияти онҳо тамоми ҷавонони ҷумҳуриро ба муносибати Рӯзи ҷавонони Тоҷикистон табрик намуданд.

Зимни суханронии хеш раиси Кумита иброз доштанд, ки бо шарофати соҳибистиқлолии Тоҷикистон ва сиёсати ҷавонпарваронаи Пешвои миллат муҳтарам Эмомалӣ Раҳмон ҷавонони миллати тоҷик ҳамасола 23-юми майро ҳамчун Рӯзи ҷавонони кишвар бо шукуҳи хосса таҷлил менамоянд. Аксарияти аҳолии кишварро ҷавонон ташкил медиҳанд, ки онҳо давомдиҳандаи кору фаъолияти насли калонсол, неруи созанда ва иқтидори воқеии пешрафти ҷомеа, хулоса ояндаи дурахшони мамлакат мебошанд.
 
Дар мулоқот ба ҷавонон гуфта шуд, ки бояд онҳо ояндагони боэътимоди ин сарзамин бошанд. Зеро Роҳбари давлат ба ин қишри фаъоли ҷомеа боварӣ дошта, ҳамеша ва дар ҳама ҳолат дастгир ва ғамхори насли ҷавон аст. Имрӯз ҷавонон бо истифода аз имкониятҳои фароҳам овардаи давлату Ҳукумати кишвар бояд илм омӯзанд, соҳибкасб гарданд ва дар пешрафту тараққиёти Тоҷикистони азиз саҳми арзишманди худро гузоранд.

Пас аз суханрониҳои табрикотӣ дар фазои тантанавӣ ҷавонони вазорату идораҳо ва ташкилоту муассисаҳои кишвар ҷиҳати саҳм гузоштанашон дар татбиқи сиёсати давлатии ҷавонон ба муносибати Рӯзи ҷавонон бо сипосномаи Кумитаи кор бо ҷавонон ва варзиши назди Ҳукумати Ҷумҳурии Тоҷикистон қадрдонӣ гардиданд.

Дар охири чорабинӣ намоиши театрии ҳунармандони Театри давлатии академӣ–драмавии  ба номи А. Лоҳутӣ пешкаши ҳозирин гардонида шуд.

257116646_204828.jpg255417737_357205.jpg257033623_204803.jpg

Эзоҳи худро нависед



Рамзҳо дар расм