Дар маҷлисгоҳи Донишгоҳи давлатии ҳуқуқ, бизнес ва сиёсати Тоҷикистон вохӯрии роҳбари ташкилоти ҷамъиятии "Пайравони Пешвои миллат "- и Кумитаи кор бо ҷавонон ва варзиши назди Ҳукумати Ҷумҳурии Тоҷикистон Маҳинбону Шарипова бо аъзоёни маҳфили "Пайравони Пешвои миллат" -и назди раёсати донишгоҳу донишкадаҳои вилояти Суғд баргузор гардид.

Зимни мулоқот зикр гардид, ки бояд ҷавонон ҳамарӯза ғамхориву дастгириҳои ҳамаҷонибаи давлату ҳукумат, махсусан Пешвои муаззами миллат Эмомалӣ Раҳмонро дарк намуда, дар амалигардии ҳадафҳои Ҳукумати кишвар ва ҳифзу ҳимояи арзишҳои миллӣ, санаҳои таърихӣ ва гиромидошти он саҳми арзанда гузоранд.

Ҳамчунин, иброз гардид, ки дар баробари фаъол будан дар чорабиниҳои сиёсиву фарҳангӣ аъзоёни маҳфили "Пайравони Пешвои миллат" бояд забонҳои русиву англисиро дар сатҳи баланд аз худ намуда, ҳамеша дар ҳама самтҳо пешгому пешқадам бошанд.