Имрӯз дар толори маҷлисгоҳи Кумитаи кор бо ҷавонон ва варзиши назди Ҳукумати Ҷумҳурии Тоҷикистон бо иштирокчиёни Фестивали дӯстии ҷавонон қабл аз сафарбар гардидан ба вилояти Хатлон мулоқот доир гардид.

Зулфиқор Гулаҳмадзода, раиси Кумита зимни мулоқот бо ширкаткунандагони фестивали мазкур доир ба дастгирии давлату Ҳукумати кишвар нисбат ба насли наврасу ҷавон ибрози андеша намуд.

Ёдовар мешавем, ки Фестивали дӯстии ҷавонон аз 16 то 20 июни соли ҷорӣ дар шаҳру ноҳияҳои Норак, Данғара, Кӯлоб, Муъминобод ва Темурмалики вилояти Хатлон бо иштироки 120 ҷавони фаъол аз тамоми минтақаҳои кишвар доир мешавад.

Дар доири фестивал барномаҳои фарҳангӣ, озмунҳои рассомию ҳунарҳои мардумӣ, семинару мастер-классҳо, викторинаҳои шавқовар, мусобиқаҳои футбол, волейбол, шоҳмот ва озмуни “беҳтарин селфи” дар назар дошта шудааст.

“ҶТ”