Дар доираи нақша-чорабиниҳои Кумитаи кор бо ҷавонон ва варзиши назди Ҳукумати кишвар масъулини кумита бо ҳайати шахсии сарбозону афсарони отряди Раёсати Қушунҳои сарҳадии КДАМ дар Вилояти Мухтори Куҳистони Бадахшон мулоқот карданд.

Чунин як мулоқот бо аскарони қисми низомии 0410 доир шуда, дар он Шаҳзод Раҳимзода, корманди Кумитаи кор бо ҷавонон ва варзиш ва Сураҷ Чоршанбиев, сардори Раёсати кор бо ҷавонон ва варзиши вилоят перомуни муҳиммияти хизмат дар сафи Қувваҳои Мусаллаҳ, таҷлили Рӯзи Президент, мавриди баҳрабардорӣ қарор гирифтани агрегати якуми НБО - и Роғун, таҳкими ҷузъу томҳо ва қисмҳои ҳарбии кишвар дар солҳои соҳибистиқлолӣ ва дигар мавзӯъҳои муҳим сухан карданд.

Афсарону сарбозон дар навбати худ барои дастгириҳои пайвастаи Ҳукумати мамлакат хоса ба Пешвои миллат муҳтарам Эмомалӣ Раҳмон изҳори миннатдорӣ баён намуданд.

Дар интиҳои мулоқот аз тарафи Кумита ба сарбозон лавозимоти варзишӣ ва дигар мукофотҳо тақдим гардид.