Дар факултети тиҷорат, гумрук ва ҳуқуқи Донишкадаи иқтисод ва савдои Донишгоҳи давлатии тиҷорати Тоҷикистон дар шаҳри Хуҷанд вобаста ба пешгирии ҷавонон аз бемориҳои сироятии ВНМО/БПНМ ва нашъамандӣ бо донишҷӯён мулоқот баргузор гардид.

Дар рафти мулоқот доир ба бемориҳои мазкур суханрониҳо сурат гирифта, таъкид ки ВНМО (ВИЧ-СПИД) аз бемориҳоест, ки оқибати нохуш дорад. Мутаассифона, имрӯз дар Ҷумҳурии Тоҷикистон низ нафарони гирифтор ба ин беморӣ ба чашм мерасанд. Хавфнок будани бемории мазкур буд, ки ҷиҳати пешгирии ин беморӣ “Барномаи миллӣ оид ба муқовимат ба эпидемияи ВНМО дар Ҷумҳурии Тоҷикистон барои солҳои 2017-2020” қабул гардид.

Дар идома миёни донишҷӯён ва масъулин суолу ҷавоб сурат гирифта, доир ба натиҷаи ин бемориҳо маълумотҳои мушаххас гирифтанд.