Дар толори Гимназияи №4-и шаҳри Хуҷанд силсилаи мулоқот бо толибилмони муассиса таҳти унвони "Саъю талоши мо - баҳри ободии Ватан моро ба қуллаҳои баланди мақсад мерасонад" доир шуд. 

Нахуст чорабиниро Фаридун Мӯҳсинзода, раиси созмони кор бо ҷавонони муассиса, яке аз омӯзгорони ҷавону лаёқатманд ҳусни ифтитоҳ бахшид. Гуфта шуд, ки иқдоми мазкур имконият медиҳад, то ҷавонон ҳисси ватандӯстиву хештаншиносӣ, худогоҳӣ ва ифтихори миллии худро боз ҳам баланд бардоранд ва дар ободии Ватан саҳми бештар гузоранд.

Сипас аъзои маҳфили "Пайравони Пешвои миллат" Фахриддин Самадов дар мавзӯи "Мо - ҷавонон экстремизм ва терроризмро маҳкум мекунем!", Фаррухҷон Ёқубов дар мавзӯи "Китобхонӣ - омили муҳими баланд бардоштани илму маърифат", Сарварҷон Ҳамдамов дар мавзӯи "Пешвои миллат ғамхор ва ҳидоятгару пуштибони насли ҷавон" баромад намуданд.