12 феврал, дар толори Муассисаи таълимии давлатии мактаби Президентӣ барои хонандагони болаёқат дар шаҳри Бӯстон ҷиҳати хубтар намудани фаъолияти маҳфили “Пайравони Пешвои миллат” дар муассиса ва тақвияти ҷаҳонбинӣ ва ҳуввияти ватандӯстии хонандагон бо муҳассилин мулоқоти судманд баргузор гардид.

Дар ибтидои мулоқот директори муассиса Набизода Мадина Раҳмат масъулони Раёсати кор бо ҷавонон ва варзиши вилоятро ба муассиса хайрамақдам намуда, риштаи суханро ба онҳо вогузор намуд.

Мутахассиси бахши кор бо ҷавонони Раёсат - Ахмедов Шаҳбоз дар баромади худ оиди масъалаҳои китобу китобдорӣ, ки Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Паёми ахири худ ба Маҷлиси Олӣ, ки ба масъалаи китобу китобдорӣ, мутолиаи китоб таваҷҷуҳи хосса зоҳир намуда буданд, суханронӣ намуд.

Дар фарҷоми чорабинӣ миёни масъулон ва хонандагон мулоқоти озод доир гардида, хонандагон ба суолҳои худ посухҳои мушаххас гирифтанд.