Бо ибтикори Раёсати кор бо ҷавонон ва варзиши вилояти Суғд ва Раёсати Вазорати корҳои дохилии Ҷумҳурии Тоҷикистон дар вилоят мулоқот бо хонандагони Литсейи физика ва математикаи рақами 1-и шаҳри Хуҷанд доир гардид.

Дар мулоқот Ҷаъфаров Диловар, роҳбари маҳфили “Пайравони Пешвои миллат”-и Раёсати кор бо ҷавонон ва варзиши вилоят ва Юсуфов Мӯҳсин, аъзои гурӯҳи “Авангард”- и Раёсати Вазорати корҳои дохилии кишвар дар вилоят иштирок намуда, доир ба талаботҳои Қонуни Ҷумҳурии Тоҷикистон “Дар бораи масъулияти падару модар дар таълиму тарбияи фарзанд”, муҳтавои Паёми имсолаи Пешвои миллат ба Маҷлиси Олӣ, рушди фаъолияти волонтёрӣ ва пешгирии ҳодисаҳои номатлуб миёни ҷавонон ибрози назар намуданд.