Дар арафаи Рӯзи Артиши миллӣ ҷавонони ноҳияи Рӯшон дар маҷлисгоҳи Дидбонгоҳи сарҳадии 5 – уми Қушунҳои сарҳадии КДАМ бо сарҳадбонон вохӯрӣ намуданд.

Ҳамзамон ҷавонони синни даъватӣ аз шароити зисти ҳайати шахсии сарбозону афсарон, китобхонаву синфхонаҳои замонавӣ дидан карда, оид ба пос доштани фарҳанг, маданият ва санъати волои халқи тоҷик, муҳимияти хизмати низомӣ, меҳанпарастӣ бо аскарон суҳбат карданд.

Бояд қайд кард, ки мулоқот аз ҷониби Бахши кор бо ҷавонон ва варзиши ноҳия бо ҳадафи ихтиёран ҷалб намудани ҷавонон ба хизмати ҳарбӣ ва дар ин замина тарбия намудани ҷавонон дар рӯҳияи хештаншиносӣ ва садоқат ба Ватан роҳандозӣ шудааст.

Дар охир Қаландар Давлатмамадов, мудири бахш барои ҳайати шахсии дидбонгоҳ лавозимоти варзишӣ, аз қабили тӯбҳои волейболу футбол, тӯри волейбол, тахтаи шоҳмот ва ғайра туҳфа намуд.