ҶАВОНОН
Ҷумъа 18 Январ 2019 02:58
5274
Бо ҳадафи фаҳмонда додани муҳтавои Паёми навабатии Пешвои миллат ба Маҷлиси Олии Ҷумҳурии Тоҷикистон гурӯҳи кории Ҳукумати кишвар бо намояндагони мақомоти иҷроияи маҳаллии ҳокимияти давлатии ВМКБ ва сокинони вилоят вохӯриҳо анҷом доданд.

Чунин як мулоқот дар маҷлисгоҳи мақомот бо иштироки муовини раиси Маҷлиси Намояндагони Маҷлиси Олии Ҷумҳурии Тоҷикистон Акрамшо Фелалиев, вакилони Маҷлиси Намояндагони Маҷлиси Олии кишвар Амрихудои Дамдор ва Нуралӣ Риоев, собиқадорони меҳнату сокинони шаҳр гузаронида шуд.

Зикр гардид, ки маҳз ба туфайли Асосгузори сулҳу ваҳдати миллӣ – Пешвои миллат муҳтарам Эмомалӣ Раҳмон соли гузашта бо рӯйдодҳои муҳими хеш дар қалбу замири мардуми тоҷик абадан мемонад. Яъне моҳи марти соли ҷорӣ дар Рӯзи байналмилалии захираҳои об татбиқи ташаббуси чоруми ҷаҳонии тоҷикон дар соҳаи об - Даҳсолаи байналмилалии амал “Об барои рушди устувор” солҳои 2018-2028 бо ширкати бевоситаи Пешвои муаззами мо дар Маҷмааи умумии Созмони Милали Муттаҳид расман оғоз шуда, Тоҷикистон дар ин самт ҳамчун кишвари ташаббускор дар арсаи ҷаҳонӣ эътироф гашт.

Ҳамчунин, ба кор оғоз намудани иншооти бузурги аср - Нерӯгоҳи барқи обии “Роғун” ва барқарор шудани ҳамагуна муносибатҳо бо ҳамсоякишвари Ӯзбекистон рӯйдодҳои муҳими таърихӣ дар ҳаёти иҷтимоиву иқтисодӣ ва маънавии халқи шарафманди тоҷик маҳсуб меёбанд.

Ҷиҳати рушди бемайлони сатҳу сифати зиндагии шоистаи мардум, расидан ба ҳадафҳои стратегӣ, мусоидат намудан ба фаъолияти соҳибкорӣ, саноатикунонии босуръат ва дигар вазифаю маромҳои дар пеш истода Ҳукумати мамлакат минбаъд низ тадбирҳои заруриро пиёда менамояд.

Суҳбату вохӯриҳои гурӯҳи корӣ дар шаҳру ноҳияҳои ВМКБ ҳанӯз ҳам ҷараён дорад.








Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
31 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3

Январ 2019 c.