Мудири шуъбаи умумӣ ва назорати дастгоҳи марказии Кумитаи кор бо ҷавонон варзиши назди Ҳукумати Ҷумҳурии Тоҷикистон Солеҳҷон Амирҷонзода дар ноҳияи Дарвоз бо ҷавонону варзишгарони ноҳия мулоқот намуд.

Дар ин бора Хуршед Ғаффоров, корманди Бахши кор бо ҷавонон ва варзиши ноҳия иттилоъ дода гуфт, ки чунин як вохӯрӣ дар деҳаи Ёгеди ҷамоати Нулванд бо ҷавонону варзишгарон ва сарбозони дидбонгоҳи сарҳадии қисми низомии 0409 – и Қушунҳои сарҳадии КДАМ рӯи кор омад.

Зимни суҳбат намояндаи кумита ҳозиринро ба тақвияти ҳаёти солим, ифтихор аз Ватану ватандорӣ, ҳимояи марзу бум ва то охирин нафас содиқ будан ба меҳану миллат даъват намудааст.

Ба гуфтаи манбаъ имрӯз, 9 октябр чанд вохӯрии дигари намояндаи кумита бо хонандагони МТМУ – и ноҳия ва дигар табақаҳо дар назар дошта шуда, дар фарҷом иштирокчиёну ҷавонони фаъоли ноҳия бо ифтихорномаву туҳфаҳои гуногуни раиси кумита сарафроз хоҳанд гашт.