Маъруф Муҳаммадзода, раиси шаҳри Хуҷанд, дар мактаби барои хонандагони болаёқати шаҳр дар доираи моҳи ҷавонӣ бо зиёда аз 200 нафар наврасону ҷавонони фаъол мулоқот намуд.

Маъруф Муҳаммадзода, қабл аз вохӯрӣ ба мусобиқаи шоҳмот барои мукофоти Раиси шаҳр байни хонандагони муасисаҳои таҳсилоти миёнаи умумӣ, литсей ва гимназияҳои шаҳр ҳусни оғоз бахшид.

Раиси шаҳр зимни баромади хеш аз дастовардҳои Истиқлолият ҳарф зада, аз ҷумла таъкид сохт, ки “Истиқлолият барои мо далели возеҳу бебаҳси пойдории давлат, бақои миллат, рамзи асолату ҳувияти миллӣ, мазҳари идеалу ормонҳои таърихӣ, шиносномаи байналмилалӣ ва ба ҷаҳони мутамаддин пайвастани кишвари соҳибистиқлоли Тоҷикистон мебошад.

Гуфта шуд, ки дастовардҳои хонандагони шаҳри Хуҷанд дар мусобиқоти байналхалқӣ низ назарррас буда, чанде қабл ду хонандаи муассисаи таҳсилоти миёнаи умумии №7-и шаҳри Хуҷанд дар мусобиқаи заврақронӣ дар Ҷумҳурии Ӯзбекистон ва давлати Испания иштирок намуда, мақомҳои аввал ва роҳхат ба ин намуди мусобиқоти ҷаҳониро ба даст оварданд. Инчунин санаҳои 14-28 апрели соли равон дар шаҳри Абу – Дабии Аморати муттаҳидаи Араб Чемипионати ҷаҳон оид ба ҷиу–ҷитсу бо ҳузури беш аз 7000 намояндагони 106 давлати дунё сурат гирифт, ки аз вилояти Суғд 13 нафар иштирок намуда, 4 нафар хонандагони макотиби шаҳри Хуҷанд ғолибият ба даст оварданд.

Дар фарҷоми чорабинӣ ба 19 нафар ғолибони Олимпиадаҳои фаннии байналхалқӣ аз тарафи раиси шаҳри Хуҷанд тӯҳфа ва маблағҳои пулӣ супорида шуда.