ҶАВОНОН
Якшанбе 08 Сентябр 2024 04:34
![2067](/upload/iblock/486/%D0%BC%D1%83%D0%BB%D0%BE%D2%9B%D0%BE%D1%82-%D0%B1%D0%BE-%D0%B4%D0%BE%D0%BD%D0%B8%D1%88%D2%B7%D3%AF%D1%91%D0%BD.jpg)
Имрӯз, 16 декабр, дар факултаи журналистикаи Донишгоҳи миллии Тоҷикистон мулоқоти донишҷӯёни факулта бо ҳайати эҷодии рӯзномаи “Ҷавонони Тоҷикистон” баргузор гардид.
Декани факулта Саъдӣ Исматов чунин мулоқотро барои донишҷӯён саривақтӣ ва муҳим арзёбӣ кард.
Бахтовар Каримзода, сармуҳаррири ҳафтаномаи “Ҷавонони Тоҷикистон” дар бораи таърихи 86-солаи рӯзнома мухтасар сухан карда, онро дар ҳама давру замон минбари ҷавонон ва ҳамсафари онҳо номид.
![](/upload/мулоқот-бо-донишҷӯён-02.jpg)
- Ҳафтаномаи “Ҷавонони Тоҷикистон” мактаби журналистони ҷавони мамлакат ба шумор меравад. Аксар адибону журналистони маъруфи мамлакат аз ин мактаби бузург гузаштаанд. Ҳафтанома имрӯз ҳам миёни ҷавонон эътибору маҳбубияти зиёд дорад, - гуфт дар идомаи суханаш Б. Каримзода.
Сипас, Умаралӣ Сафаралӣ, ҷонишини сармуҳаррири рӯзномаи “Ҷавонони Тоҷикистон” зимни суханронӣ донишҷӯёнро барои ҳамкорӣ бо рӯзнома даъват намуд. Ӯ гуфт: “Саҳифаи донишҷӯён дар рӯзнома асосан барои донишҷӯёни факултаҳои журналистика таъсис дода шудааст. Мутаассифона, бо сабаби фаъол набудани донишҷӯён ин саҳифа дер-дер чоп мешавад”.
![](/upload/мулоқот-бо-донишҷӯён-03.jpg)
Сипас, миёни кормандони рӯзнома ва донишҷӯён суҳбати озоду самимӣ сурат гирифт. Донишҷӯён ваъда доданд, ки аз ин пас ҳамкориро ба рӯзнома бештар мекунанд.
Ба донишҷӯён 50 нусхаи рӯзномаи “Ҷавонони Тоҷикистон” ройгон тақсим карда шуд.
Декани факулта Саъдӣ Исматов чунин мулоқотро барои донишҷӯён саривақтӣ ва муҳим арзёбӣ кард.
Бахтовар Каримзода, сармуҳаррири ҳафтаномаи “Ҷавонони Тоҷикистон” дар бораи таърихи 86-солаи рӯзнома мухтасар сухан карда, онро дар ҳама давру замон минбари ҷавонон ва ҳамсафари онҳо номид.
![](/upload/мулоқот-бо-донишҷӯён-02.jpg)
- Ҳафтаномаи “Ҷавонони Тоҷикистон” мактаби журналистони ҷавони мамлакат ба шумор меравад. Аксар адибону журналистони маъруфи мамлакат аз ин мактаби бузург гузаштаанд. Ҳафтанома имрӯз ҳам миёни ҷавонон эътибору маҳбубияти зиёд дорад, - гуфт дар идомаи суханаш Б. Каримзода.
Сипас, Умаралӣ Сафаралӣ, ҷонишини сармуҳаррири рӯзномаи “Ҷавонони Тоҷикистон” зимни суханронӣ донишҷӯёнро барои ҳамкорӣ бо рӯзнома даъват намуд. Ӯ гуфт: “Саҳифаи донишҷӯён дар рӯзнома асосан барои донишҷӯёни факултаҳои журналистика таъсис дода шудааст. Мутаассифона, бо сабаби фаъол набудани донишҷӯён ин саҳифа дер-дер чоп мешавад”.
![](/upload/мулоқот-бо-донишҷӯён-03.jpg)
Сипас, миёни кормандони рӯзнома ва донишҷӯён суҳбати озоду самимӣ сурат гирифт. Донишҷӯён ваъда доданд, ки аз ин пас ҳамкориро ба рӯзнома бештар мекунанд.
Ба донишҷӯён 50 нусхаи рӯзномаи “Ҷавонони Тоҷикистон” ройгон тақсим карда шуд.
Эзоҳи худро нависед