ҶАВОНОН
Якшанбе 08 Сентябр 2024 05:13
![7940](/upload/iblock/509/%D0%BC%D1%83%D0%BB%D0%BE%D0%BA%D0%BE%D1%82.jpg)
12 апрели соли равон дар Донишгоҳи давлатии Хоруғ ба номи Моёншо Назаршоев бо иштироки муовини аввали раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Ризо Назарзода ва донишҷӯёну хонандагони синфҳои болоии муассисаҳои таҳсилоти миёнаи умумии шаҳр таҳти унвони “Нақши ҷавонони ВМКБ дар таҳкими арзишҳои Истиқлолияти давлатии Ҷумҳурии Тоҷикистон” конференсияи илмӣ – амалӣ баргузор гардид.
Чорабиниро муовини ректори донишгоҳ оид ба тарбия Ниёзалӣ Қамбаров ҳусни оғоз бахшида, иброз намуд, ки соҳибистиқлолӣ беҳтарин ва муҳимтарин неъмат барои ҳар фарди солимфикри тоҷик мебошад.
- Маҳз бо роҳи аз худ намудани илму маърифат инсоният аз ҷаҳолату торикӣ раҳо ёфта, дарки ҳуввияту худшиносӣ мекунад. Ба қадру қиммати истиқлолияти комил ҳам онҳое мерасанд, ки рӯҳану ҷисман такомул ёфта, пайваста ифтихор аз миллату давлат менамоянд, - гуфт ӯ дар идома.
Ризо Назарзода, муовини якуми раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар идомаи конференсия таъкид кард, ки ҷавононро мебояд, ки пеш аз ҳам волотарин арзишҳои умумибашарӣ, аз қабили эҳтироми ҳамдигару халқиятҳои дунё, наздикону пайвандонро гиромӣ дошта, дар ҳифзи дастовардҳои истиқлолият тамоми кӯшишҳоро ба харҷ диҳанд.
- Феълан давлату Ҳукумати мамлакат барои наслҳои ояндасози кишвар имкониятҳои бузургро фароҳам овардааст. Баҳра бурдан аз имкониятҳои мавҷуда аз ҷавонон донишу маърифат, нангу ор, бедории ҳамешагӣ, ҷиддияту масъулият ва ватандӯстии бештар мехоҳанд, - афзуд Р. Назарзода.
Инчунин дар чорабинӣ мавзӯъҳои “Сабабҳои асосии шомилшавии ҷавонон ба созмонхои террористиву эксремистӣ ва роҳҳои пешгирии он”, “Ҷавонон неруи созандаи кишваранд”, “Солҳои рушди сайёҳӣ ва ҳунарҳои мардумӣ: Нақши ҷавонон дар таҳкими он”, “Иштироки ҷавонон дар равандҳои созандагӣ ва бунёди давлати навини тоҷикон” маърӯза карда, сипас муҳокимаронии мавзӯъҳо ба тариқи саволу ҷавоб сурат гирифт.
Чорабиниро муовини ректори донишгоҳ оид ба тарбия Ниёзалӣ Қамбаров ҳусни оғоз бахшида, иброз намуд, ки соҳибистиқлолӣ беҳтарин ва муҳимтарин неъмат барои ҳар фарди солимфикри тоҷик мебошад.
- Маҳз бо роҳи аз худ намудани илму маърифат инсоният аз ҷаҳолату торикӣ раҳо ёфта, дарки ҳуввияту худшиносӣ мекунад. Ба қадру қиммати истиқлолияти комил ҳам онҳое мерасанд, ки рӯҳану ҷисман такомул ёфта, пайваста ифтихор аз миллату давлат менамоянд, - гуфт ӯ дар идома.
Ризо Назарзода, муовини якуми раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар идомаи конференсия таъкид кард, ки ҷавононро мебояд, ки пеш аз ҳам волотарин арзишҳои умумибашарӣ, аз қабили эҳтироми ҳамдигару халқиятҳои дунё, наздикону пайвандонро гиромӣ дошта, дар ҳифзи дастовардҳои истиқлолият тамоми кӯшишҳоро ба харҷ диҳанд.
- Феълан давлату Ҳукумати мамлакат барои наслҳои ояндасози кишвар имкониятҳои бузургро фароҳам овардааст. Баҳра бурдан аз имкониятҳои мавҷуда аз ҷавонон донишу маърифат, нангу ор, бедории ҳамешагӣ, ҷиддияту масъулият ва ватандӯстии бештар мехоҳанд, - афзуд Р. Назарзода.
Инчунин дар чорабинӣ мавзӯъҳои “Сабабҳои асосии шомилшавии ҷавонон ба созмонхои террористиву эксремистӣ ва роҳҳои пешгирии он”, “Ҷавонон неруи созандаи кишваранд”, “Солҳои рушди сайёҳӣ ва ҳунарҳои мардумӣ: Нақши ҷавонон дар таҳкими он”, “Иштироки ҷавонон дар равандҳои созандагӣ ва бунёди давлати навини тоҷикон” маърӯза карда, сипас муҳокимаронии мавзӯъҳо ба тариқи саволу ҷавоб сурат гирифт.
Эзоҳи худро нависед