Ба ифтихори 20 солагии Ваҳдати миллӣ ва “Соли ҷавонон” бо ташаббуси  Кумитаи ҷавонон, варзиш ва сайёҳӣ дар Донишгоҳи омӯзгории Тоҷикистон ба номи С. Айнӣ таҳти унвони “Саодати миллат аз Ваҳдат аст” мизи мудаввар доир гардид.

Дар чорабинии мазкур Мирзошоҳрух Асрорӣ, раиси Кумитаи иҷроияи Ҳаракати Ваҳдати миллӣ ва эҳёи Тоҷикистон, Ато Мирхоҷа, ҷонишини раиси Иттифоқи нависандагогни Тоҷикистон, Дилноза Аҳмадзода, ҷонишини раиси КҶВС ва олимони ҷавону донишҷӯён ширкат намуданд.

Дилноза Аҳмадзода, зимни суханронии худ аз таваҷҷуҳи роҳбарияти олии кишвар ба насли ҷавон изҳори қаноатмандӣ намуда гуфт: “-Таваҷҷуҳи хосаи Пешвои Миллат ба насли ҷавон нишонаи арҷгузории ин шахси таърихӣ ба ҷавонон ва бовариву эътимод ба онҳо мебошад”. 

Зимни суханрониҳо аз хизматҳои Пешвои миллат дар барқарорсозии сулҳи тоҷикон ёдоварӣ шуда, таъкид гардид, ки бояд ҷавонон барои нигоҳ доштани ин неъмати бебаҳо ҷаҳду талош намоянду баҳри таҳкими Ваҳдати миллӣ фаъолияти худро ба роҳ монда, дар пешрафту шукуфоии ин меҳан саҳм гузоранд.

Хуршед Ховарӣ, “ҶТ”