ҶАВОНОН
Якшанбе 08 Сентябр 2024 04:31
![9122](/upload/iblock/89f/%2B2.jpg)
Ҳамасола дар кишвар 16 ноябр ҳамчун Рӯзи Президент ҷашн гирифта мешавад. Бахшида ба ин рӯзи сарнавиштсоз доир ба нақши Президенти кишвар дар пешрафти ҷомеа ва ҷавонон назари чанде аз ҷавонони муваффақи кишварро, ки дар соҳаҳои гуногун кору фаъолият мекунанд, пурсидем.
Рудобаи МУКАРРАМ, раиси Кумитаи иҷроияи Ҳаракати Ваҳдати миллӣ ва эҳёи Тоҷикистон:
- Яке аз рӯйдоди қисматсози халқи тоҷик ин Рӯзи Президенти Ҷумҳурии Тоҷикистон ва бузургдошти 30 соли Иҷлосияи 16-уми Шурои Олии тақдирсоз ба ҳисоб меравад. Чун як фарди Тоҷикистон агар назар намоем, яке аз дастовардҳои муҳиме, ки дар ин Иҷлосия ба вуқуъ пайваст, ин ба сари ҳокимият омадани муҳтарам Эмомалӣ Раҳмон буд. Дар ҳамон давру замоне, ки мардум ба як роҳнамо, роҳкушо, мушкилкушо ва ҳомӣ ниёз доштанд, хушбахтона, ин Иҷлосия тавонист, ки чунин шахсиятро ба арсаи сиёсат оварад. Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо хирадсолорӣ, бо иродаи мустаҳкам ва бо руҳияи баланди милливу ватанпарварӣ тавонистанд, ки Тоҷикистони моро аз вартаи ҷанг наҷот диҳанд. Ба шарофати ин марди наҷиб пояҳои истиқлоли давлатдории навини тоҷикон мустаҳкам гардид. Пешвои миллат аркони давлатдорӣ, фарҳанг, ҳамзамон асолат, муқаддасот ва арзишҳои миллиро густариш бахшиданд.
Илҳомҷон ҲАМИДИЁН, роҳбари Маркази матбуот ва таҳлилии Дастгоҳи КИМ ҲХДТ:
- Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон ҳамеша таъкид менамоянд, ки мақсади сиёсати давлатии мо дар соҳаи кор бо ҷавонон аз тарбияи кадрҳои маданию маълумотдор ва мутахассисону наслҳои дараҷаи дониши васеъдошта ва ватандӯст иборат аст. Яке аз самтҳои афзалиятноки сиёсати давлатӣ дар соҳаи кор бо ҷавонон дуруст тарбия намудани насли наврас мутобиқи талаботи замон мебошад, ки моҳияти миллии сиёсати давлатии моро дар соҳаи кору тарбия бо ҷавонон ифода менамояд. Вақте ки мо дар бораи хизматҳои шоёни Пешвои муаззами миллат барои ҷавонон суҳбат мекунем, бояд ҳамин омилро дар ёд дошта бошем. Имрӯз кадрҳои дар мактаби бузурги давлатдории Эмомалӣ Раҳмон ба камол расида, барои пешрафти ҷомеа пайгирона талош меварзанд.
Ҳукумати мамлакат ба роҳандозии Консепсияи “Рӯй овардан ба ҷавонон” авлавият медиҳад, ки ин ҳадаф аз таъкидҳои ҳамешагии Пешвои муаззами миллат бармеояд. Иқдоми мазкур омили муҳими ҷалби ҳарчи бештари ҷавонон ба умури идораи давлат ва баланд бардоштани нуфузу эътибори онҳо дар ҷомеа ба шумор меравад.
Фирӯзи РАМАЗОН, раиси Шурои олимони ҷавони МТС назди Президент:
- Дар шароити равандҳои геополитикӣ сарварии як кишвар ва тақдири садҳо ҳазор аҳолиро бар дӯш доштан, кори осон нест. Дар чунин шароит танҳо сарваре муваффақ мешавад, ки воқеан лидери сиёсӣ ва маҳбуби халқ бошад. Агар аз фаъ-олияти пурсамари Пешвои миллат, муҳтарам Эмомалӣ Раҳмон ҳарф занем, маълум мегардад, ки калиди тамоми муваффақиятҳои Сарвари кишвар маҳбубият дар миёни мардум ва иродаи қавии сиёсию назари дурандешона мебошад. Муҳтарам Эмомалӣ Раҳмон ба сифати Президент тавонист, Ҷумҳурии Тоҷикистонро дар арсаи байналмилалӣ ба яке аз кишварҳои калидӣ дар ҳалли масоили ҷаҳонӣ табдил диҳад. Ҷаҳониён бо амал ва ташаббускориҳои муҳтарам Эмомалӣ Раҳмон ба миллати тоҷик баҳо медиҳанд. Воқеан, Президент симои миллат аст.
Яке аз хидматҳои дигари Пешвои миллат ба сифати Президенти Ҷумҳурии Тоҷикистон эҳёи Ваҳдати миллӣ мебошад. Худшиносии миллии ҷавонон маҳз аз ҳар як амали неки Роҳбари давлат сарчашма мегирад. Имрӯз мо - ҷавононро лозим аст, ки аз ҳар давраи дигар дида бештар гирди Сарвари давлатамон сарҷамъ ва содиқ бошем.
Лашкар ШАРИФЗОДА, рӯзноманигор:
- Масъалаи сиёсати давлатии ҷавонон, нақш ва иштироки онҳо дар ҳаёти ҷомеа, яке аз масъалаҳои асосӣ дар паёмҳои ҳарсолаи Пешвои миллат муҳтарам Эмомалӣ Раҳмон ба Маҷлиси Олӣ буда, ба ин мавзуъ ҳамчун яке аз масъалаҳои асосии давлатдорӣ ва манбаи муҳимтарини ташаккули захираҳои инсонии кишвар таваҷҷуҳи доимӣ зоҳир мегардад.
Таъсиси Иттифоқи ҷавонони Тоҷикистон аз 12 октябри соли 1991 зери шиори “Барои ваҳдат ва пешрафти Тоҷикистон” далели бебаҳси таваҷҷуҳи Президенти кишвар муҳтарам Эмомалӣ Раҳмон ба ҷавонон мебошад. Иттифоқи мавриди назар аз рӯзҳои аввали фаъолият ҷавононро ба муттаҳидӣ, ҳифзи истиқлоли давлатӣ, арзишҳои миллӣ, дӯстиву рафоқат ва баланд бардоштани сатҳи маърифатнокии сиёсӣ даъват мекунад.
Ҳанӯз 17 марти соли 1994 мулоқоти нахустини Пешвои миллат бо ҷавонон ба ҳайси Сарвари давлат ва Раиси Шурои Олии Ҷумҳурии Тоҷикистон дар Анҷумани якуми Иттифоқи ҷавонон доир гардида буд. Хомӯш кардани алангаи ҷанги таҳмилии шаҳрвандӣ, муттаҳид сохтани ҷавонон дар он давраи бисёр сангин ва ба фаъолияти созанда сафарбар намудани онҳо масъалаву вазифаҳои асосии мулоқот буданд.
Тайи сӣ соли гузашта ҷавонон ҳамчун неруи муттаҳидкунанда барои барқарорсозии сулҳу субот, бунёди ҷомеаи демократӣ, мустаҳкам кардани иқтидори кишвар, тарғиби солимиву тавонмандӣ, рушди илму техника ва дигар бахшҳои ҳаётан муҳимми ҷомеа саҳми хеле назаррас гузоштанд.
Фатҳиддини ЗАМОН, рӯзноманигор:
- Маҳз бо ҳидоятҳои созандаву ояндабинонаи Президенти Ҷумҳурии Тоҷикистон муҳтарам Эмомалӣ Раҳмон ҷавонони мамлакат ба дун-ёи мутамаддин ва ҷомеаи ҷаҳонӣ роҳ ёфта, дар роҳи бунёди ояндаи дурахшон, ҳифзи асолати таърихи ҳазорсола, муаррифии шоистаи Тоҷикистон ба ҷомеаи ҷаҳон қадамҳои устувор мегузоранд. Иродаи сиёсии Тоҷикистон ин иродаи сиёсии Пешвои миллат муҳтарам Эмомалӣ Раҳмон буда, имрӯз ҷавонони мо чунин иродаи қавиву тавоно ва наҷотбахши миллатро ҳамвора дастгирӣ ва аз он пайравӣ менамоянд. Дар воқеъ, имрӯз тамоми музаффариятҳои Тоҷикистон аз иродаи сиёсӣ, мактаби тавонманди давлатдорӣ ва рӯҳи шикастнопазири Сарвари давлат муҳтарам Эмомалӣ Раҳмон сарчашма мегирад.
Таҳияи Таҳмина
ЮСУФӢ, “ҶТ”
Рудобаи МУКАРРАМ, раиси Кумитаи иҷроияи Ҳаракати Ваҳдати миллӣ ва эҳёи Тоҷикистон:
- Яке аз рӯйдоди қисматсози халқи тоҷик ин Рӯзи Президенти Ҷумҳурии Тоҷикистон ва бузургдошти 30 соли Иҷлосияи 16-уми Шурои Олии тақдирсоз ба ҳисоб меравад. Чун як фарди Тоҷикистон агар назар намоем, яке аз дастовардҳои муҳиме, ки дар ин Иҷлосия ба вуқуъ пайваст, ин ба сари ҳокимият омадани муҳтарам Эмомалӣ Раҳмон буд. Дар ҳамон давру замоне, ки мардум ба як роҳнамо, роҳкушо, мушкилкушо ва ҳомӣ ниёз доштанд, хушбахтона, ин Иҷлосия тавонист, ки чунин шахсиятро ба арсаи сиёсат оварад. Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо хирадсолорӣ, бо иродаи мустаҳкам ва бо руҳияи баланди милливу ватанпарварӣ тавонистанд, ки Тоҷикистони моро аз вартаи ҷанг наҷот диҳанд. Ба шарофати ин марди наҷиб пояҳои истиқлоли давлатдории навини тоҷикон мустаҳкам гардид. Пешвои миллат аркони давлатдорӣ, фарҳанг, ҳамзамон асолат, муқаддасот ва арзишҳои миллиро густариш бахшиданд.
Илҳомҷон ҲАМИДИЁН, роҳбари Маркази матбуот ва таҳлилии Дастгоҳи КИМ ҲХДТ:
- Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, Раиси муаззами Ҳизби Халқии Демократии Тоҷикистон муҳтарам Эмомалӣ Раҳмон ҳамеша таъкид менамоянд, ки мақсади сиёсати давлатии мо дар соҳаи кор бо ҷавонон аз тарбияи кадрҳои маданию маълумотдор ва мутахассисону наслҳои дараҷаи дониши васеъдошта ва ватандӯст иборат аст. Яке аз самтҳои афзалиятноки сиёсати давлатӣ дар соҳаи кор бо ҷавонон дуруст тарбия намудани насли наврас мутобиқи талаботи замон мебошад, ки моҳияти миллии сиёсати давлатии моро дар соҳаи кору тарбия бо ҷавонон ифода менамояд. Вақте ки мо дар бораи хизматҳои шоёни Пешвои муаззами миллат барои ҷавонон суҳбат мекунем, бояд ҳамин омилро дар ёд дошта бошем. Имрӯз кадрҳои дар мактаби бузурги давлатдории Эмомалӣ Раҳмон ба камол расида, барои пешрафти ҷомеа пайгирона талош меварзанд.
Ҳукумати мамлакат ба роҳандозии Консепсияи “Рӯй овардан ба ҷавонон” авлавият медиҳад, ки ин ҳадаф аз таъкидҳои ҳамешагии Пешвои муаззами миллат бармеояд. Иқдоми мазкур омили муҳими ҷалби ҳарчи бештари ҷавонон ба умури идораи давлат ва баланд бардоштани нуфузу эътибори онҳо дар ҷомеа ба шумор меравад.
Фирӯзи РАМАЗОН, раиси Шурои олимони ҷавони МТС назди Президент:
- Дар шароити равандҳои геополитикӣ сарварии як кишвар ва тақдири садҳо ҳазор аҳолиро бар дӯш доштан, кори осон нест. Дар чунин шароит танҳо сарваре муваффақ мешавад, ки воқеан лидери сиёсӣ ва маҳбуби халқ бошад. Агар аз фаъ-олияти пурсамари Пешвои миллат, муҳтарам Эмомалӣ Раҳмон ҳарф занем, маълум мегардад, ки калиди тамоми муваффақиятҳои Сарвари кишвар маҳбубият дар миёни мардум ва иродаи қавии сиёсию назари дурандешона мебошад. Муҳтарам Эмомалӣ Раҳмон ба сифати Президент тавонист, Ҷумҳурии Тоҷикистонро дар арсаи байналмилалӣ ба яке аз кишварҳои калидӣ дар ҳалли масоили ҷаҳонӣ табдил диҳад. Ҷаҳониён бо амал ва ташаббускориҳои муҳтарам Эмомалӣ Раҳмон ба миллати тоҷик баҳо медиҳанд. Воқеан, Президент симои миллат аст.
Яке аз хидматҳои дигари Пешвои миллат ба сифати Президенти Ҷумҳурии Тоҷикистон эҳёи Ваҳдати миллӣ мебошад. Худшиносии миллии ҷавонон маҳз аз ҳар як амали неки Роҳбари давлат сарчашма мегирад. Имрӯз мо - ҷавононро лозим аст, ки аз ҳар давраи дигар дида бештар гирди Сарвари давлатамон сарҷамъ ва содиқ бошем.
Лашкар ШАРИФЗОДА, рӯзноманигор:
- Масъалаи сиёсати давлатии ҷавонон, нақш ва иштироки онҳо дар ҳаёти ҷомеа, яке аз масъалаҳои асосӣ дар паёмҳои ҳарсолаи Пешвои миллат муҳтарам Эмомалӣ Раҳмон ба Маҷлиси Олӣ буда, ба ин мавзуъ ҳамчун яке аз масъалаҳои асосии давлатдорӣ ва манбаи муҳимтарини ташаккули захираҳои инсонии кишвар таваҷҷуҳи доимӣ зоҳир мегардад.
Таъсиси Иттифоқи ҷавонони Тоҷикистон аз 12 октябри соли 1991 зери шиори “Барои ваҳдат ва пешрафти Тоҷикистон” далели бебаҳси таваҷҷуҳи Президенти кишвар муҳтарам Эмомалӣ Раҳмон ба ҷавонон мебошад. Иттифоқи мавриди назар аз рӯзҳои аввали фаъолият ҷавононро ба муттаҳидӣ, ҳифзи истиқлоли давлатӣ, арзишҳои миллӣ, дӯстиву рафоқат ва баланд бардоштани сатҳи маърифатнокии сиёсӣ даъват мекунад.
Ҳанӯз 17 марти соли 1994 мулоқоти нахустини Пешвои миллат бо ҷавонон ба ҳайси Сарвари давлат ва Раиси Шурои Олии Ҷумҳурии Тоҷикистон дар Анҷумани якуми Иттифоқи ҷавонон доир гардида буд. Хомӯш кардани алангаи ҷанги таҳмилии шаҳрвандӣ, муттаҳид сохтани ҷавонон дар он давраи бисёр сангин ва ба фаъолияти созанда сафарбар намудани онҳо масъалаву вазифаҳои асосии мулоқот буданд.
Тайи сӣ соли гузашта ҷавонон ҳамчун неруи муттаҳидкунанда барои барқарорсозии сулҳу субот, бунёди ҷомеаи демократӣ, мустаҳкам кардани иқтидори кишвар, тарғиби солимиву тавонмандӣ, рушди илму техника ва дигар бахшҳои ҳаётан муҳимми ҷомеа саҳми хеле назаррас гузоштанд.
Фатҳиддини ЗАМОН, рӯзноманигор:
- Маҳз бо ҳидоятҳои созандаву ояндабинонаи Президенти Ҷумҳурии Тоҷикистон муҳтарам Эмомалӣ Раҳмон ҷавонони мамлакат ба дун-ёи мутамаддин ва ҷомеаи ҷаҳонӣ роҳ ёфта, дар роҳи бунёди ояндаи дурахшон, ҳифзи асолати таърихи ҳазорсола, муаррифии шоистаи Тоҷикистон ба ҷомеаи ҷаҳон қадамҳои устувор мегузоранд. Иродаи сиёсии Тоҷикистон ин иродаи сиёсии Пешвои миллат муҳтарам Эмомалӣ Раҳмон буда, имрӯз ҷавонони мо чунин иродаи қавиву тавоно ва наҷотбахши миллатро ҳамвора дастгирӣ ва аз он пайравӣ менамоянд. Дар воқеъ, имрӯз тамоми музаффариятҳои Тоҷикистон аз иродаи сиёсӣ, мактаби тавонманди давлатдорӣ ва рӯҳи шикастнопазири Сарвари давлат муҳтарам Эмомалӣ Раҳмон сарчашма мегирад.
Таҳияи Таҳмина
ЮСУФӢ, “ҶТ”
Эзоҳи худро нависед