ҶАВОНОН
Душанбе 06 Феврал 2023 08:58
5209
19-уми декабр бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон дар ҳамкорӣ бо Муассисаи давлатии Телевизиони Сафина бо мақсади тарбияи ҷавонон дар руҳияи ватандӯстӣ, муайян намудани мавқеи ватандорӣ ва ифтихори бузург аз мактаби меҳанпарваронаи Пешвои муаззами миллат дар 68 шаҳру навоҳии кишвар филми мустанади “Марди роҳ”, ки аз ҷониби коргардон Носир Саидов таҳия шудааст, ба тамошо гузошта шуд.

Дар шаҳри Душанбе низ чун дигар шаҳру навоҳии кишвар ин филм бо ҷалби 500 нафар ҷавонони касбу кори гуногун дар Кохи фарҳангии “Суруш” ба намоиш гузошта шуд.

Пеш аз намоиши филми мазкур Аҳтам Абдуллозода, раиси Кумитаи кор бо ҷавонон ва варзиш аз заҳмату талошҳои Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ёдовар шуда саҳми ин абармарди таърихро дар мустаҳкам гардонидани пояҳои сулҳу ваҳдати миллӣ бесобиқа хонд.

- Дар ин филм наворҳое, ки ба тамошо гузошта мешаванд, мо маргро мушоҳида мекунем. Инсонҳо бо марг мубориза мебаранд, гуруснагӣ, бехонумонӣ, гурезагӣ, оби чашми модари тоҷик лаҳзаҳои бисёр мудҳише ҳастанд, ки онро ба ҳеҷ ваҷҳ насли имрӯзаи наврасу ҷавон бояд фаромӯш насозад. Мо дар замирамон бояд муқаддас будани ваҳдат, тинҷиву осудагӣ ва амнияти кишварро мустаҳкам созем ва тарзе кунем, ки даст ба даст, китф ба китфи ҳамдигар монда баҳри пойдории давлати тоҷикон тамоми нерӯи зеҳнӣ, қувваи ҷисмонӣ ва дар умум иқтидори инсонии худамонро сафарбар созем. Дар филми “Марди роҳ”, ки бо истифода аз далелу мадраки муътамади таърихӣ аз кору пайкори Пешвои миллат дар роҳи расидан ба сулҳу суботу ваҳдати деринтизор ба таври мусаввару мунаввар қисса карда мешавад. Ин филм ба ҳар фарди дилогоҳ бори дигар ҳадиси пандомӯзи ватандорию худшиносӣ ва арҷгузорӣ ба арзишҳои миллиро меомӯзад,- гуфт раиси кумита.

Зимни намоиши филм ҷавонон бо як ҳиссиёти амиқ ҳар як ҷузъиёти онро тамошо карда, доир ба он андешаронӣ намуданд.

Малоҳат Холмуродова ба он андешааст, ки тамошои ин филм дар худшиносӣ ва бедории ҷавонон саҳм гузошта, эшонро дар баробари чолишҳои сиёсие, ки имрӯзҳо ҷавонони аксар кишварҳоро фарогир аст, ҳушёру зирак мегардонад: “Ман гумон дорам, ки агар таҳияи чунин филмҳо зиёд гардад, яке аз воситаҳои хубе барои пешгирии ҷавонон аз гуруҳҳои ифротӣ мегардад. Чунин филмҳо метавонанд, ҳисси баланди ватандӯстию худшиносиро дар замири ҷавонон бедор кунанд,”-мегуяд ӯ.

Меҳрубон Имомова чунин андеша дорад, ки маҳз таҳияи чунин филмҳо метавонанд дар шинохти Пешвои миллат нақшгузор бошанд: “Тамошои филми “Марди роҳ” барои ман хело ҳам таъсирбахш буд. Имрӯз мо шукргузор аз он ҳастем, ки чунин як роҳбари хубу меҳрубон дорему дар чунин давлати орому осудаву зебо зиндагониву фаъолият менамоем. Мо насли наврасро мебояд, ки ба қадри ин ҳама ҷонфидоиҳое, ки нисбати мо ҷавонон муҳайё гардидааст, расем. Барои боз ҳам ободу зебов гаштани ватани азизамон саҳм гузорем”.






Эзоҳи худро нависед



Рамзҳо дар расм

Рӯзнома

Назарсанҷӣ

У вас нет прав на участие в данном опросе.

Тақвим

Дш Сш Чш Пш Ҷ Ш Яш
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 1 2 3 4 5

Феврал 2023 c.