Бахшида ба 25 – солагии Иҷлосияи 16–уми Шӯрои Олии Тоҷикистон ва Рӯзи Президент дар ноҳияи Ванҷ чорабинии идона ва намоиши китоб баргузор гардид.

Ба иттилои Масрур Ғайратов, мудири Бахши кор бо ҷавонон ва варзиши ноҳия, чорабинӣ бо ташаббуси Бахш доир шуда, дар он кормандони ҷавони идораву муассисаҳо, наврасон ва сокинони ноҳия ширкат намуданд.

- Дар намоиш зиёда аз 60 нусха китобҳои Пешвои миллат, муҳтарам Эмомалӣ Раҳмон ва дигар адабиётҳо, ки солҳои охир дар бораи соҳибистиқлоливу Ваҳдати миллӣ интишор ёфтаанд, гирдоварӣ ва ба маърази намоиш гузошта шуд, - афзуд М. Ғайратов.

Ҳамчунин, дар чорабинии идона хонандагони муассисаҳои таълимии ноҳия шеъру таронаҳоро дар васфи Президенти кишвар, Модар-Ватан ва Истиқлолият қироат карданд.