Бо ташаббуси Бахши кор бо занон ва оилаи мақомоти иҷроияи маҳаллии ҳокимияти давлатии шаҳри Бохтар бахшида ба Рӯзи Парчам бо иштироки занон ва ҷавондухтарони фаъоли шаҳр намоиши ҳунарҳои дастӣ баргузор гардид.

Дар чорабинии мазкур занони фаъолу ҳунарманди шаҳри Бохтар маҳсули дастранҷи худро ба намоиш гузоштанд, ки инъикосгари ҳунарҳои мардумӣ буданду ба он тамошобинон таҳсин хонданд.

Изҳор гардид, ки ба рушди ҳунарҳои мардумӣ дар шаҳр таваҷҷуҳи ҷиддӣ дода шуда, имрӯз дар гӯшаву канори шаҳр ва маҳаллаҳо марказҳои дӯхти либосҳои миллӣ ва омӯзиши дигар ҳунарҳои мардумӣ ташкил гардидааст.