ҶАВОНОН
Якшанбе 08 Сентябр 2024 04:19
![7981](/upload/iblock/1c3/%D1%89%D1%83%D0%BD%D0%B0%D1%80%D0%BC%D0%B0%D0%BD%D0%B4.jpg)
Озмуни ҷумҳуриявии “Парвин”. Даври аввал. Толори барҳаво. Доварони серталабу сахтгир. Пушти парда иштирокчиёни аз ҳаяҷон пур. Волидони дар ин эҳсос бо онҳо шарик. Тамошобинони беқарору мунтазири ҳунарнамоӣ.
Оғози озмуну шурӯи баромади иштирокчиён. Яке ба саҳна мебаромаду дигаре борҳо садою симо ё асбобҳои мусиқии хешро имтиҳон мекард. Баромади онҳо бо навбат ва вобаста аз жанрҳо буд. Фурсати берун шудан аз пушти парда барои Ҳаётҷон фаро расид. Фурсати пуризтироб, аммо лаззатбор. Фурсати пешниҳоди ҳунар, бо садо “оро” додани саҳна, ҷалби таваҷҷуҳи ҳакамон, нашикастани орзую ормон, сазовор будан ба эътимоди пайвандон.
Ӯ акнун дар саҳна буд. Доварон бо нигоҳҳо аз ӯ истеъдод меҷӯстанд. Ӯ дар миёни онҳо сарояндаи маҳбуби худ-Бахтиёр Иброҳимовро дид. Бо дидани вай ин фурсат ба имкони амалишавии орзуҳо низ табдил гашт. Зеро дидор бо ӯ орзуи дерина буд. Чун шогирд дар наздаш будану омӯхтани махсусиятҳои санъат ҳадафи устувор. Онҳо қабл аз озмун мулоқот намуданд. Тавассути чолокии Ҳаётҷон. Натиҷаи пазируфтани хоҳиши ӯ баъд аз анҷоми ҳунарнамоияш маълум мегардид.
Ҳаётҷон садои худро дар шаш мақоми “Шашмақом” ҷӯр намуд. Ошиқонаву орифона сароид. Ӯ сокини дунёи орзуҳояш буд. Дар ин чанд лаҳзае, ки месуруд. Садоро ҷуръат гоҳо ба авҷ мебаровард. Гоҳи дигар маҳинии оҳанг чун рӯде аз дили кӯҳ ҷориаш мекард.
Бардошти хуби доварон аз садою ҳунари ӯ нахустдастовард буд барои ин навраҳи роҳи санъат.
Акнун дар даври дуюм Ҳаётҷонро доварону тамошобинон дар шакли нави иҷроиш диданд. Дар жанри эстрада. Бо ҳаракатҳои саҳнавӣ. Озоду самимӣ.
Бо ҳамин тарз гузашт аз ҳар даври озмуну расид ба нуқтаи ниҳоӣ. Ҷоизадори “Парвин” шуду соҳиби имкони рушд дар соҳаи санъат.
Ҳаётҷон Ҳамрохонов 23 сол дорад. Зодаи яке аз оилаҳои ҳунарпарвари шаҳри Ҳисор. Хатмкардаи мактаб - интернати миёнаи махсуси санъати ҷумҳуриявии ба номи Миратулло Атоев. Дар ин макон сурудани сурудҳои анъанавиро меомӯзад. Сипас, мепардозад ба аз худ кардани жанри эстрада. Ҳоло таҳсил мекунад дар Консерваторияи миллии Тоҷикистон ба номи Т. Сатторов. Ин макон барояш меомӯзад сароидани сурудҳои академиро. Дар умум мегузарад аз ҳама роҳҳои санъати сароидан. Бо комил намудани донишу суфта сохтани садо.
Соли 2019. “Тоҷикистон - Ватани азизи ман”, озмуни навбатӣ дар ҳаёти Ҳаётҷон. Озмуни рушддиҳандаи ҳунари ӯ. Озмуне, ки имтиҳон кард сурудани суруди академии ӯро. Натиҷа боз ҳам назаррасу дилхоҳ. Подош диплому мукофот.
Озмуни ҷумҳуриявии “Тоҷикистон - Ватани азизи ман” роҳ кушод ба озмуни “Дельфийские игры”- и Русия. Бо панҷ ҷавони дорандаи истеъдод. Муаррифӣ намуданд меҳанро. Аз дигарон кам буданро напазируфта. Бо вуҷуди ба он халқу миллат ошнотару наздиктар будани жанри опера.
“Казахская романсиада”. Ин озмун низ бе иштироки Ҳаётҷон набуд. Соли гузашта бо сабаби нохуб будани вазъ тариқи онлайнӣ сурат гирифт. Ӯ романс сароид. Яке аз шохаҳои жанри академиро. Ҷоизаро дар миёни дигар иштирокчиёни тоҷикистонӣ ӯ соҳиб гардид.
Ҳаётҷон Ҳамрохонов нақши озмунро дар нумӯи санъат басо бориз медонад. “Оғози амалишавии орзуҳо ва расидан ба мақсадҳоям ин озмун буд. Иштирок дар онҳо бароям имкони сайқал ёфтанро медиҳад.”- мегӯяд ӯ. Аз эрод хушаш меояд. Баромадҳои хуб пазируфта нашуда низ барояш руҳафтодагӣ намеорад. Баръакс аз онҳо айби худро меҷӯяд. Мепардозад пайи ислоҳаш.
Ӯ аллакай корманд аст. Корманди ансамбли “Гулшан”. Бо таронаҳояш шукуфонтар месозад ин “Гулшан”-ро. Накҳат мефизояд ба он ҷо.
Ҳаётҷон Ҳамрохонов дар саҳна нусхаест аз Бахтиёр Иброҳимов. Инро на тақлид, балки пайравӣ мехонад. Пайравӣ аз ҳунари волои ӯ. Пайравӣ аз ҳаракатҳои хоси ӯ, ки зебдиҳандаи саҳна аст. Пайравӣ аз озод будани ӯ ҳангоми иҷрои суруд.
Ҳаётҷон мехоҳад хеле озод бошад. Бо ҳаракатҳо маънии сурудаҳои худро ба мухлисон расонад.Самимӣ бошад. На қолабию шахшуда. Ӯ дар саҳна пурра ворид шудан мехоҳад ба дунёи тарона. Инро сабаб мешуморад барои аз тарсу ҳаяҷон дур будани сароянда.
Ӯ ҷавон аст. Ин айёмро давраи талош карданҳо мегӯяд. Ин аст, ки пайваста бо шуру шавқ мезияд. Дар дил орзуҳо месабзонад. Барои фардо ҳадафҳои бешумор дорад. Расидан ба онҳо шукуфтани гулест аз гулзори санъат. Чӣ хуш, ки комгор бошад.
Оғози озмуну шурӯи баромади иштирокчиён. Яке ба саҳна мебаромаду дигаре борҳо садою симо ё асбобҳои мусиқии хешро имтиҳон мекард. Баромади онҳо бо навбат ва вобаста аз жанрҳо буд. Фурсати берун шудан аз пушти парда барои Ҳаётҷон фаро расид. Фурсати пуризтироб, аммо лаззатбор. Фурсати пешниҳоди ҳунар, бо садо “оро” додани саҳна, ҷалби таваҷҷуҳи ҳакамон, нашикастани орзую ормон, сазовор будан ба эътимоди пайвандон.
Ӯ акнун дар саҳна буд. Доварон бо нигоҳҳо аз ӯ истеъдод меҷӯстанд. Ӯ дар миёни онҳо сарояндаи маҳбуби худ-Бахтиёр Иброҳимовро дид. Бо дидани вай ин фурсат ба имкони амалишавии орзуҳо низ табдил гашт. Зеро дидор бо ӯ орзуи дерина буд. Чун шогирд дар наздаш будану омӯхтани махсусиятҳои санъат ҳадафи устувор. Онҳо қабл аз озмун мулоқот намуданд. Тавассути чолокии Ҳаётҷон. Натиҷаи пазируфтани хоҳиши ӯ баъд аз анҷоми ҳунарнамоияш маълум мегардид.
Ҳаётҷон садои худро дар шаш мақоми “Шашмақом” ҷӯр намуд. Ошиқонаву орифона сароид. Ӯ сокини дунёи орзуҳояш буд. Дар ин чанд лаҳзае, ки месуруд. Садоро ҷуръат гоҳо ба авҷ мебаровард. Гоҳи дигар маҳинии оҳанг чун рӯде аз дили кӯҳ ҷориаш мекард.
Бардошти хуби доварон аз садою ҳунари ӯ нахустдастовард буд барои ин навраҳи роҳи санъат.
Акнун дар даври дуюм Ҳаётҷонро доварону тамошобинон дар шакли нави иҷроиш диданд. Дар жанри эстрада. Бо ҳаракатҳои саҳнавӣ. Озоду самимӣ.
Бо ҳамин тарз гузашт аз ҳар даври озмуну расид ба нуқтаи ниҳоӣ. Ҷоизадори “Парвин” шуду соҳиби имкони рушд дар соҳаи санъат.
Ҳаётҷон Ҳамрохонов 23 сол дорад. Зодаи яке аз оилаҳои ҳунарпарвари шаҳри Ҳисор. Хатмкардаи мактаб - интернати миёнаи махсуси санъати ҷумҳуриявии ба номи Миратулло Атоев. Дар ин макон сурудани сурудҳои анъанавиро меомӯзад. Сипас, мепардозад ба аз худ кардани жанри эстрада. Ҳоло таҳсил мекунад дар Консерваторияи миллии Тоҷикистон ба номи Т. Сатторов. Ин макон барояш меомӯзад сароидани сурудҳои академиро. Дар умум мегузарад аз ҳама роҳҳои санъати сароидан. Бо комил намудани донишу суфта сохтани садо.
Соли 2019. “Тоҷикистон - Ватани азизи ман”, озмуни навбатӣ дар ҳаёти Ҳаётҷон. Озмуни рушддиҳандаи ҳунари ӯ. Озмуне, ки имтиҳон кард сурудани суруди академии ӯро. Натиҷа боз ҳам назаррасу дилхоҳ. Подош диплому мукофот.
Озмуни ҷумҳуриявии “Тоҷикистон - Ватани азизи ман” роҳ кушод ба озмуни “Дельфийские игры”- и Русия. Бо панҷ ҷавони дорандаи истеъдод. Муаррифӣ намуданд меҳанро. Аз дигарон кам буданро напазируфта. Бо вуҷуди ба он халқу миллат ошнотару наздиктар будани жанри опера.
“Казахская романсиада”. Ин озмун низ бе иштироки Ҳаётҷон набуд. Соли гузашта бо сабаби нохуб будани вазъ тариқи онлайнӣ сурат гирифт. Ӯ романс сароид. Яке аз шохаҳои жанри академиро. Ҷоизаро дар миёни дигар иштирокчиёни тоҷикистонӣ ӯ соҳиб гардид.
Ҳаётҷон Ҳамрохонов нақши озмунро дар нумӯи санъат басо бориз медонад. “Оғози амалишавии орзуҳо ва расидан ба мақсадҳоям ин озмун буд. Иштирок дар онҳо бароям имкони сайқал ёфтанро медиҳад.”- мегӯяд ӯ. Аз эрод хушаш меояд. Баромадҳои хуб пазируфта нашуда низ барояш руҳафтодагӣ намеорад. Баръакс аз онҳо айби худро меҷӯяд. Мепардозад пайи ислоҳаш.
Ӯ аллакай корманд аст. Корманди ансамбли “Гулшан”. Бо таронаҳояш шукуфонтар месозад ин “Гулшан”-ро. Накҳат мефизояд ба он ҷо.
Ҳаётҷон Ҳамрохонов дар саҳна нусхаест аз Бахтиёр Иброҳимов. Инро на тақлид, балки пайравӣ мехонад. Пайравӣ аз ҳунари волои ӯ. Пайравӣ аз ҳаракатҳои хоси ӯ, ки зебдиҳандаи саҳна аст. Пайравӣ аз озод будани ӯ ҳангоми иҷрои суруд.
Ҳаётҷон мехоҳад хеле озод бошад. Бо ҳаракатҳо маънии сурудаҳои худро ба мухлисон расонад.Самимӣ бошад. На қолабию шахшуда. Ӯ дар саҳна пурра ворид шудан мехоҳад ба дунёи тарона. Инро сабаб мешуморад барои аз тарсу ҳаяҷон дур будани сароянда.
Ӯ ҷавон аст. Ин айёмро давраи талош карданҳо мегӯяд. Ин аст, ки пайваста бо шуру шавқ мезияд. Дар дил орзуҳо месабзонад. Барои фардо ҳадафҳои бешумор дорад. Расидан ба онҳо шукуфтани гулест аз гулзори санъат. Чӣ хуш, ки комгор бошад.
Эзоҳи худро нависед