Бо мақсади иҷрои дастуру супоришҳои Асосгузори сулҳу Ваҳдати миллӣ, Пешвои миллат муҳтарам Эмомалӣ Раҳмон, ки дар вохӯри бо намояндагони ҷомеаи кишвар санаи 12 май ироа гардид, Бахши кор бо ҷавонон ва варзиши ноҳияи Бобоҷон Ғафуров тибқи Нақша чорабиниҳо дар якҷояги бо ТҶ “Рушди варзиши маюбон”мусобиқаи кушоди ноҳиявӣ оид ба намуди шашка байни наврасони имконияташон маҳдуд бахшида ба Рӯзи байналхалқии ҳифзи ҳуқуқи кӯдак баргузор намуд, ки дар он зиёда аз 50 нафар варзишгарони наврас аз шаҳру ноҳияҳои Хуҷанд, Бӯстон, Зафаробод, Исфара, Конибодом, Бобоҷон Ғафуров иштирок намуданд.

Зикр гардид, ки табақаи ниёзманди ҷомеа ҳамавақт зери ғамхории Асосгузори сулҳу Ваҳдати миллӣ, Пешвои миллат муҳтарам Эмомалӣ Раҳмон қарор дошта, баргузории чунин мусобиқаҳо аз сиёсати ғамхоронаи Пешвои миллат маншаъ мегирад.

Бояд тазаккур дод, ки мусобиқа беҳтарин шашкабозони наврасро муайян намуд ва ба мақсади ҳавасманд намудани иштирокчиёни мусобиқа ба 50 нафар иштирокчиён тӯҳфаҳои Бахши кор бо ҷавонон ва варзиши ноҳия тақдим карда шуд.

Иштирокдорон бо қаноатманди миннатдории худро ба Асосгузори сулҳу Ваҳдати миллӣ, Пешвои миллат муҳтарам Эмомалӣ Раҳмон иброз намуданд ва таъкид карданд, ки маҳз сиёсати хирадмандонаи эшон аст, ки онҳо худро яккаву танҳо ҳис намекунанд. Мо Пешвои миллати худро, ки ҳамеша нисбати мо наврасону ҷавонони имкониятамон маҳдуд ғамхорӣ зоҳир менамояд, дӯст медорем ва пайравӣ аз сиёсати оқилонаи Роҳбари давлат менамоем.

Сипас, ба иштирокчиён дар тарабхонаи Дидор дастурхони идона ташкил карда шуд.