ҶАВОНОН
Чоршанбе 17 Апрел 2024 08:25
5368

Бо ташаббуси Раёсати кор бо ҷавонон ва варзиши вилояти Хатлон дар ҳамбастагӣ бо Раёсати маорифи вилоят дар шаҳри Бохтар даври вилоятии озмуни “Ватанпарвар” натиҷагирӣ карда шуд.

Дар озмуни мазкур тамоми муассисаҳои таълимии вилоят, аз ноҳияҳои Дӯстӣ, Ҷайҳун, Левакант, Балхӣ, Кушониён ва шаҳри Бохтар, ки дар даври минтақавӣ ғолиб дониста шуда буданд, дар ин давр миёни ҳам сабқат намуданд.

Насриддинзода Рамазон, масъули Раёсати кор бо ҷавонон ва варзиш дар чорабинӣ суханронӣ намуда, мақсад аз баргузории чунин озмунҳоро амалӣ гардонидани Барномаи давлатии тарбияи ватандӯстии ҷавонон ва таҳкими ҳуввияти миллии онҳо арзёбӣ намуд.

Бояд қайд намуд, ки дастаи “Ватанпарвар”-и ноҳияи Дӯстӣ бо бартарияти хело зиёд сазовори ҷойи аввал дониста шуда, роҳхат ба даврии ҷумҳуриявии ин озмунро ба даст овард.


Эзоҳи худро нависед



Рамзҳо дар расм