ҶАВОНОН
Ҷумъа 06 Декабр 2019 11:36
6620
Бо ҳадафи дар сатҳи баланд таҷлил намудани Рӯзи Парчами давлатии Ҷумҳурии Тоҷикистон, тарбияи ҷавонон дар руҳияи хештаншиносиву тарғиби китобхонӣ ва оммавияти варзиш миёни донишҷӯён дар хобгоҳи донишҷӯёни Донишгоҳи давлатии Хоруғ (ДДХ) ба номи Моёншо Назаршоев озмуни “Ҳафтаи хобгоҳ” оғоз гардид.

Дар ин бора мудири Шуъбаи кор бо ҷавонони донишгоҳ Дидоршоҳ Насриддинов иттилоъ дода гуфт, ки озмун миёни зиёда аз 600 нафар муҳассилину ҷавонон сурат гирифта, иштрокдорон аз рӯи бозиҳои интеллектуалӣ, викторинаи саволу чавоб, мутолиаи адабиётҳои ҳархела, мусобиқаҳои гуногуни варзишӣ бо ҳам рақобат мекунанд ва ғолибон аз тарафи ректори донишгоҳ охири ҳафтаи моҳи равон бо ифтихорномаву туҳфаҳои гуногун қадрдонӣ хоҳанд шуд.

Ҳоло дар бозии тенниси рӯи миз 43 нафар, шоҳмотбозӣ 30 ва дар чорабинии “Бонуи беҳтарин” зиёда аз 10 нафар ширкату баромад намуданд.

“Бонуи беҳтарин” бошад аллакай ҷамъбаст шуда, аз рӯи натиҷаҳои он, ҷои аввалро Ҷамила Маҳмадалибекова аз факултети илмҳои табиӣ, зинаи дуюм Шоира Мирзоева аз факултети педагогӣ ва ҷойи сеюмро Шукрона Одинаева аз факултаи илмхои табиии ДДХ гирифтааст.

Дигар чорабиниҳои “Ҳафтаи хобгоҳ” бомаром идома доранд.

Эзоҳи худро нависед



Рамзҳо дар расм

Рӯзнома

Назарсанҷӣ

  1. Ба фикри Шумо “Соли ҷавонон” чӣ гуна сипарӣ шудаистодааст?

Тақвим

Дш Сш Чш Пш Ҷ Ш Яш
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5

Декабр 2019 c.