Бо ташаббуси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, имрӯз 26 апрел, дар Маркази ҷумҳуриявии фарҳангии ҷавонон “Ориёно” бо ҷалби ҷавонону наврасони шаҳри Душанбе курсҳои омӯзишии забонҳои хориҷӣ ва кадбонугӣ тариқи ройгон оғоз гардид.

Дар маросими ифтитоҳи курсҳо Аҳтам Абдуллозода, раиси Кумитаи кор бо ҷавонон ва варзиш ва намояндаи созмони “Юнисеф” дар Тоҷикистон ширкат намуда,  аз дастовардҳои марказ дидан намуданд. 

Ба таъкиди масъулин курсҳои омӯзишии мазкур тӯли ду моҳ бо фарогирии 70 нафар идома ёфта, дар доираи он ба ҷавонон забонҳои русию англисӣ, барномасозии компютер, қаннодӣ, дӯзандагӣ, зебоипарастӣ, равоншиносӣ ва кадбонугӣ омӯзонида мешаванд.