Дар шаҳри Хоруғ бо иқдоми Шуъбаи кор бо ҷавонони Донишгоҳи давлатии Хоруғ (ДДХ) ба номи Моёншо Назаршоев ва Бахши кор бо ҷавонони шаҳр озмуни “Канӣ писарон?” оғоз ёфт.

Тавре мудири шуъба Дидоршоҳ Насриддинов иттилоъ дод, озмун байни ҳашт дастаи ҷавонписарони факултаҳои донишгоҳ то рӯзи 22 – юми феврали соли ҷорӣ давом ёфта, ғолибонро ифтихорномаҳои бахш, ректори ДДХ ва туҳфаҳои гуногун интизор аст.

Ба гуфтаи манбаъ ҳадаф аз баргузории озмун тақвият бахшидани ҳисси меҳандӯстӣ дар ниҳоди ҷавонон, ҷалби онҳо ба машғулиятҳои шоиставу муфид ва рушди ҳамкориҳо миёни муҳассилин мебошад.