Бо иқдоми Раёсати кор бо ҷавонон ва варзиши ВМКБ дар шаҳри Хоруғ озмуни “Беҳтарин оилаи ҷавон” доир гардид, ки дар он ҷавонони навхонадор аз ҳамаи шаҳру навоҳии вилоят ширкат намуданд.

Ба иттилои Имомёрбек Имомёрбеков, яке аз ташкилкунандагони озмун, мақсад аз баргузории он ҷалби оилаҳои ҷавон ба зиндагии шоиставу мусолиматомез, ҳамдигарфаҳмиву эҳтироми якдигар, аз байн бурдани зиддиятҳои хонаводагӣ ва ҳолатҳои талоқ аст.

Мувофиқи натиҷаҳо дар озмуни вилоятӣ як ҷуфт оилаи ҷавон аз шаҳри Хоруғ ҷои аввал, ноҳияи Роштқалъа ҷои дуюм ва Шуғнон зинаи сеюмро ишғол намуданд.

Ҷуфти ғолиби ҷои аввал ба озмуни ҷумҳуриявӣ роҳат гирифт.